Chapter 15

[English text for this chapter is available]

śrīmadbhāgavata mahāpurāṇa |
ṣaṣṭhaḥ skandhaḥpañcadaśo'dhyāyaḥ |
citraketave'ṅgironāradayorupadeśaḥśrīśuka uvācaūcaturmṛtakopānte patitaṃ mṛtakopamam |
śokābhibhūtaṃ rājānaṃ bodhayantau saduktibhiḥ || 1 ||
[Analyze grammar]

ko'yaṃ syāt tava rājendra bhavān yamanuśocati |
tvaṃ cāsya katamaḥ sṛṣṭau puredānīmataḥ param || 2 ||
[Analyze grammar]

yathā prayānti saṃyānti srotovegena vālukāḥ |
saṃyujyante viyujyante tathā kālena dehinaḥ || 3 ||
[Analyze grammar]

yathā dhānāsu vai dhānā bhavanti na bhavanti ca |
evaṃ bhūteṣu bhūtāni coditān īśamāyayā || 4 ||
[Analyze grammar]

vayaṃ ca tvaṃ ca ye ceme tulyakālāścarācarāḥ |
janmamṛtyoryathā paścāt prāṅnaivamadhunāpi bhoḥ || 5 ||
[Analyze grammar]

bhūtairbhūtāni bhūteśaḥ sṛjatyavati hantyajaḥ |
ātmasṛṣṭairasvatantraiḥ anapekṣo'pi bālavat || 6 ||
[Analyze grammar]

dehena dehino rājan dehād deho'bhijāyate |
bījādeva yathā bījaṃ dehyartha iva śāśvataḥ || 7 ||
[Analyze grammar]

dehadehivibhāgo'yaṃ avivekakṛtaḥ purā |
jātivyaktivibhāgo'yaṃ yathā vastuni kalpitaḥ || 8 ||
[Analyze grammar]

śrīśuka uvācaevaṃ āśvāsito rājā citraketurdvijoktibhiḥ |
vimṛjya pāṇinā vaktraṃ ādhimlānamabhāṣata || 9 ||
[Analyze grammar]

śrīrājovācakau yuvāṃ jñānasampannau mahiṣṭhau ca mahīyasām |
avadhūtena veṣeṇa gūḍhau iha samāgatau || 10 ||
[Analyze grammar]

caranti hyavanau kāmaṃ brāhmaṇā bhagavatpriyāḥ |
mādṛśāṃ grāmyabuddhīnāṃ bodhāyonmattaliṅginaḥ || 11 ||
[Analyze grammar]

kumāro nārada ṛbhuḥ aṅgirā devalo'sitaḥ |
apāntaratamo vyāso mārkaṇḍeyo'tha gautamaḥ || 12 ||
[Analyze grammar]

vasiṣṭho bhagavān rāmaḥ kapilo bādarāyaṇiḥ |
durvāsā yājñavalkyaśca jātukarṇastathā'ruṇiḥ || 13 ||
[Analyze grammar]

romaśaścyavano datta āsuriḥ sapatañjaliḥ |
ṛṣirvedaśirā bodhyo muniḥ pañcaśikhastathā || 14 ||
[Analyze grammar]

hiraṇyanābhaḥ kausalyaḥ śrutadeva ṛtadhvajaḥ |
ete pare ca siddheśāḥ caranti jñānahetavaḥ || 15 ||
[Analyze grammar]

tasmād yuvāṃ grāmyapaśoḥ mama mūḍhadhiyaḥ prabhū |
andhe tamasi magnasya jñānadīpa udīryatām || 16 ||
[Analyze grammar]

śrīaṅgirā uvācaahaṃ te putrakāmasya putrado'smyaṅgirā nṛpa |
eṣa brahmasutaḥ sākṣāt nārado bhagavān ṛṣiḥ || 17 ||
[Analyze grammar]

itthaṃ tvāṃ putraśokena magnaṃ tamasi dustare |
atadarhamanusmṛtya mahāpuruṣagocaram || 18 ||
[Analyze grammar]

anugrahāya bhavataḥ prāptau āvāṃ iha prabho |
brahmaṇyo bhagavad‍bhakto nāvasīditumarhasi || 19 ||
[Analyze grammar]

tadaiva te paraṃ jñānaṃ dadāmi gṛhamāgataḥ |
jñātvānyābhiniveśaṃ te putrameva dadāvaham || 20 ||
[Analyze grammar]

adhunā putriṇāṃ tāpo bhavataivānubhūyate |
evaṃ dārā gṛhā rāyo vividhaiśvaryasampadaḥ || 21 ||
[Analyze grammar]

śabdādayaśca viṣayāḥ calā rājyavibhūtayaḥ |
mahī rājyaṃ balaṃ kośo bhṛtyāmātyāḥ suhṛjjanāḥ || 22 ||
[Analyze grammar]

sarve'pi śūraseneme śokamohabhayārtidāḥ |
gandharvanagaraprakhyāḥ svapnamāyāmanorathāḥ || 23 ||
[Analyze grammar]

dṛśyamānā vinārthena na dṛśyante manobhavāḥ |
karmabhirdhyāyato nānā karmāṇi manaso'bhavan || 24 ||
[Analyze grammar]

ayaṃ hi dehino deho dravyajñānakriyātmakaḥ |
dehino vividhakleśa santāpakṛdudāhṛtaḥ || 25 ||
[Analyze grammar]

tasmāt svasthena manasā vimṛśya gatimātmanaḥ |
dvaite dhruvārthaviśrambhaṃ tyajopaśamamāviśa || 26 ||
[Analyze grammar]

śrīnārada uvācaetāṃ mantropaniṣadaṃ pratīccha prayato mama |
yāṃ dhārayan saptarātrād draṣṭā saṅkarṣaṇaṃ prabhum || 27 ||
[Analyze grammar]