Chapter 26

[English text for this chapter is available]

nārada uvāca |
sa ekadā maheṣvāso rathaṃ pañcāśvamāśugam |
dvīṣaṃ dvicakramekākṣaṃ triveṇuṃ pañcabandhuram || 1 || rathopari ṭippaṇī |
ekaraśmyekadamanam ekanīḍaṃ dvikūbaram |
pañcapraharaṇaṃ sapta varūthaṃ pañcavikramam || 2 ||
[Analyze grammar]

haimopaskaramāruhya svarṇavarmākṣayeṣudhiḥ |
ekādaśacamūnāthaḥ pañcaprasthamagādvanam || 3 ||
[Analyze grammar]

cacāra mṛgayāṃ tatra dṛpta ātteṣukārmukaḥ |
vihāya jāyāmatadarhāṃ mṛgavyasanalālasaḥ || 4 ||
[Analyze grammar]

āsurīṃ vṛttimāśritya ghorātmā niranugrahaḥ |
nyahanan niśitairbāṇaiḥ vaneṣu vanagocarān || 5 ||
[Analyze grammar]

tīrtheṣu pratidṛṣṭeṣu rājā medhyān paśūn vane |
yāvadarthamalaṃ lubdho hanyāditi niyamyate || 6 ||
[Analyze grammar]

ya evaṃ karma niyataṃ vidvānkurvīta mānavaḥ |
karmaṇā tena rājendra jñānena na sa lipyate || 7 ||
[Analyze grammar]

anyathā karma kurvāṇo mānārūḍho nibadhyate |
guṇapravāhapatito naṣṭaprajño vrajatyadhaḥ || 8 ||
[Analyze grammar]

tatra nirbhinnagātrāṇāṃ citravājaiḥ śilīmukhaiḥ |
viplavo'bhūd duḥkhitānāṃ duḥsahaḥ karuṇātmanām || 9 ||
[Analyze grammar]

śaśān varāhān mahiṣān gavayān ruruśalyakān |
medhyānanyāṃśca vividhān vinighnan śramamadhyagāt || 10 ||
[Analyze grammar]

tataḥ kṣuttṛṭpariśrānto nivṛtto gṛhameyivān |
kṛtasnānocitāhāraḥ saṃviveśa gataklamaḥ || 11 ||
[Analyze grammar]

ātmānamarhayāṃ cakre dhūpālepasragādibhiḥ |
sādhvalaṅkṛtasarvāṅgo mahiṣyāṃ ādadhe manaḥ || 12 ||
[Analyze grammar]

tṛpto hṛṣṭaḥ sudṛptaśca kandarpākṛṣṭamānasaḥ |
na vyacaṣṭa varārohāṃ gṛhiṇīṃ gṛhamedhinīm || 13 ||
[Analyze grammar]

antaḥpurastriyo'pṛcchad vimanā iva vediṣat |
api vaḥ kuśalaṃ rāmāḥ seśvarīṇāṃ yathā purā || 14 ||
[Analyze grammar]

na tathaitarhi rocante gṛheṣu gṛhasampadaḥ |
yadi na syād‍gṛhe mātā pat‍nī vā patidevatā |
vyaṅge ratha iva prājñaḥ ko nāmāsīta dīnavat || 15 || tulanīyaṛ. 5|| 6 ||
[Analyze grammar]

kva vartate sā lalanā majjantaṃ vyasanārṇave |
yā māmuddharate prajñāṃ dīpayantī pade pade || 16 ||
[Analyze grammar]

rāmā ūcuḥ |
naranātha na jānīmaḥ tvatpriyā yadvyavasyati |
bhūtale niravastāre śayānāṃ paśya śatruhan || 17 ||
[Analyze grammar]

nārada uvāca |
purañjanaḥ svamahiṣīṃ nirīkṣya avadhutāṃ bhuvi |
tatsaṅgonmathitajñāno vaiklavyaṃ paramaṃ yayau || 18 ||
[Analyze grammar]

sāntvayan śkakṣṇayā vācā hṛdayena vidūyatā |
preyasyāḥ snehasaṃrambha liṅgamātmani nābhyagāt || 19 ||
[Analyze grammar]

anuninye'tha śanakaiḥ vīro'nunayakovidaḥ |
pasparśa pādayugalaṃ āha cotsaṅgalālitām || 20 ||
[Analyze grammar]

purañjana uvāca |
nūnaṃ tvakṛtapuṇyāste bhṛtyā yeṣvīśvarāḥ śubhe |
kṛtāgaḥsvātmasātkṛtvā śikṣādaṇḍaṃ na yuñjate || 21 ||
[Analyze grammar]

paramo'nugraho daṇḍo bhṛtyeṣu prabhuṇārpitaḥ |
bālo na veda tattanvi bandhukṛtyamamarṣaṇaḥ || 22 ||
[Analyze grammar]

sā tvaṃ mukhaṃ sudati subhrvanurāgabhāra |
vrīḍāvilambavilasad hasitāvalokam |
nīlālakālibhirupaskṛtamunnasaṃ naḥ |
svānāṃ pradarśaya manasvini valguvākyam || 23 ||
[Analyze grammar]

tasmindadhe damamahaṃ tava vīrapat‍ni |
yo'nyatra bhūsurakulātkṛtakilbiṣastam |
paśye na vītabhayamunmuditaṃ trilokyāṃ |
anyatra vai murariporitaratra dāsāt || 24 ||
[Analyze grammar]

vaktraṃ na te vitilakaṃ malinaṃ viharṣaṃ |
saṃrambhabhīmamavimṛṣṭamapetarāgam |
paśye stanāvapi śucopahatau sujātau |
bimbādharaṃ vigatakuṅkumapaṅkarāgam || 25 ||
[Analyze grammar]

tanme prasīda suhṛdaḥ kṛtakilbiṣasya |
svairaṃ gatasya mṛgayāṃ vyasanāturasya |
kā devaraṃ vaśagataṃ kusumāstravega |
visrastapauṃsnamuśatī na bhajeta kṛtye || 26 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
caturthaskandhe puraṃjanopākhyāne ṣaḍviṃśo'dhyāyaḥ || 26 ||
[Analyze grammar]