Chapter 370

[English text for this chapter is available]

agniruvāca |
ātyantikaṃ layaṃ vakṣye jñānādātyantiko layaḥ |
ādhyātmikādisantāpaṃ jñātvā svasya virāgataḥ || 1 ||
[Analyze grammar]

ādhyātmikastu santāpaḥ śārīro mānaso dvidhā |
śārīro bahubhirbhedaistāpo'sau śrūyatāṃ dvija || 2 ||
[Analyze grammar]

tyaktvā jīvo bhogadehaṃ garbhamāpnoti karmabhiḥ |
ātivāhikasaṃjñastu deho bhavati vai dvija || 3 ||
[Analyze grammar]

kevalaṃ sa manuṣyāṇāṃ mṛtyukāla upasthite |
yāmyaiḥ puṃbhirmanuṣyāṇāṃ taccharīraṃ dvijottamāḥ || 4 ||
[Analyze grammar]

nīyate yāmyamārgeṇa nānyeṣāṃ prāṇināṃ mune |
tataḥ svaryyāti narakaṃ sa bhramedghaṭayantravat || 5 ||
[Analyze grammar]

karmabhūmiriyaṃ brahman phalabhūmirasau smṛtā |
yamo yonīśca narakaṃ nirūpayati karmaṇā || 6 ||
[Analyze grammar]

pūraṇīyāśca tenaiva yamañcaivānupaśyatāṃ |
vāyubhūtāḥ prāṇinaśca garbhante prāpnuvanti hi || 7 ||
[Analyze grammar]

yamadūtairmanuṣyastu nīyate tañca paśyati |
dharmmī ca pūjyate tena pāpiṣṭhastāḍyate gṛhe || 8 ||
[Analyze grammar]

śubhāśubhaṃ karmma tasya citragupto nirūpayet |
bāndhavānāmaśauce tu dehe khalvātivāhike || 9 ||
[Analyze grammar]

tiṣṭhannayati dharmmajña dattapiṇḍāśanantataḥ |
tantyaktvā pretadehantu prāpyānyaṃ pretalokataḥ || 10 ||
[Analyze grammar]

vaset kṣudhā tṛṣā yukta āmaśrāddhānnabhuṅnaraḥ |
ātivāhikadehāttu pretapiṇḍairvinā || 11 ||
[Analyze grammar]

na hi mokṣamavāpnoti piṇḍāṃstatraiva so'śrute |
kṛte sapiṇḍīkaraṇe naraḥ saṃvatsarātparaṃ || 12 ||
[Analyze grammar]

pretadehaṃ samutsṛjya bhogadehaṃ prapadyate |
bhogadehāvubhau proktāvaśubhaśubhasaṃjñitau || 13 ||
[Analyze grammar]

bhuktvā tu bhogadehena karmmabandhānnipātyate |
taṃ dehaṃ paratastasmādbhakṣayanti niśācarāḥ || 14 ||
[Analyze grammar]

pāpe tiṣṭhati cet svargaṃ tena bhuktaṃ tadā dvija |
tadā dvitāyaṃ gṛhṇāti bhogadehantu pāpināṃ || 15 ||
[Analyze grammar]

bhuktvā pāpantu vai paścādyena bhuktaṃ tripiṣṭapaṃ |
śucīnāṃ śrīmatāṃ gehe svargabhraṣṭo'bhijāyate || 16 ||
[Analyze grammar]

puṇye tiṣṭhati cetpāpantena bhuktaṃ tadā bhavet |
tasmin smbhakṣite dehe śubhaṃ gṛhṇāti vigraham || 17 ||
[Analyze grammar]

karmmaṇyalpāvaśeṣe tu narakādapi mucyate |
muktastu narakādyāti tiryyagyoniṃ na saṃśayaḥ || 18 ||
[Analyze grammar]

jīvaḥ praviṣṭo garbhantu kalale'pyatra tiṣṭhati || 2 ||
[Analyze grammar]

ghanībhūtaṃ dvitīye tu tṛtīye'vayavāstataḥ || 19 ||
[Analyze grammar]

caturthe'sthīni tvaṅmāṃsampañcame romasambhavaḥ |
ṣaṣṭhe ceto'tha jīvasya duḥkhaṃ vindati saptame || 20 ||
[Analyze grammar]

jarāyuveṣṭite dehe mūdrdhni baddhāñjalistathā |
madhye klīvastu vāse strī dakṣiṇe puruṣasthitiḥ || 21 ||
[Analyze grammar]

tiṣṭhatyudarabhāgo tu pṛṣṭhasyābimukhastathā |
yasyāṃ tiṣṭhatyasau yonau tāṃ sa vetti na saṃśayaḥ || 22 ||
[Analyze grammar]

sarvañca vetti vṛttāntamārabhya narajanmanaḥ |
andhkārañca mahatīṃ pīḍa़ाṃ nindati mānavaḥ || 23 ||
[Analyze grammar]

māturāhārapītantu saptame māsyupāśnute |
aṣṭame navame māsi bhṛśamudvijate tathā || 24 ||
[Analyze grammar]

vyavāye pīḍaḍāmāpnoti māturvyāyāmake tathā |
vyādhiśca vyādhitāyāṃ syānmuhūrttaṃ śatavarṣavat || 25 ||
[Analyze grammar]

santapyate karmabhistu kurute'tha manorathān |
garbhādvinirgato brahman mokṣajñānaṃ kariṣyati || 26 ||
[Analyze grammar]

sūtivātairadhobhūto niḥsared yoniyantrataḥ |
pīḍyamāno māsamātraṃ karasparśena duḥkhitaḥ || 27 ||
[Analyze grammar]

khaśabdāt kṣudraśrotāṃsi dehe śrotraṃ viviktatā |
śvāsocchāsau gatirvāyorvakrasaṃsparśanaṃ tathā3 || 28 ||
[Analyze grammar]

agnerūpaṃ darśanaṃ syādūṣmā paṅktiśca pittakaṃ |
medhā varṇaṃ balaṃ chāyā tejaḥ śauryyaṃ śarīrake || 29 ||
[Analyze grammar]

jalātsvedaśca rasandehe vai saṃprajāyate |
kledo vasā rasā raktaṃ śukramūtrakaphādikaṃ || 30 ||
[Analyze grammar]

bhūmerghrāṇaṃ keśanakhaṃ gauravaṃ sthirato'sthitaḥ |
mātṛjāniḥ mṛdūnyatra tvaṅmāṃsahṛdayāni ca || 31 ||
[Analyze grammar]

nābhirmajjā4 śakṛnmedaḥ kledānyāmāśayāni ca |
pitṛjāni śirāsnāyuśukrañcaivātmajāni tu || 32 ||
[Analyze grammar]

kāmakrodhau bhayaṃ harpo dharmdhādharmmātmatā tathā |
ākṛtiḥ svaravarṇau tu mehanādyaṃ tathā ca yat || 33 ||
[Analyze grammar]

tāmasāni tathā'jñānaṃ pramādālasyatṛṭkṣudhāḥ |
mohamātsaryyavaiguṇyaśokāyāsabhayāni ca || 34 ||
[Analyze grammar]

kāmakrodhau tathā śauryyaṃ yajñepsā bahubhāṣitā |
ahaṅkāraḥ parāvajñā rājasāni mahāmune || 35 ||
[Analyze grammar]

dharmepsā mokṣakāmitvaṃ parā bhaktiśca keśave |
dākṣiṇyaṃ vyavasāyitvaṃ sātvikāni vinirdiśet || 36 ||
[Analyze grammar]

capalaḥ krodhano bhīrurbahubhāṣī kalipriyaḥ |
svapne gaganagaścaiva bahuvāto naro bhavet || 37 ||
[Analyze grammar]

akālapalitaḥ krodhī mahāprājño raṇapriyaḥ |
svapne ca dīptimatprekṣī bahupitto naro bhavet || 38 ||
[Analyze grammar]

sthiramitraḥ sthirotsāhaḥ sthirāṅgo draviṇānvitaḥ |
svapne jalasitālokī bahuśleṣmā naro bhavet || 39 ||
[Analyze grammar]

rasastu prāṇināṃ dehe jīvanaṃ rudhiraṃ tathā |
lepanañca tathā māṃsamehasnehakarantu tat || 40 ||
[Analyze grammar]

dhāraṇantva'sthi majjā syātpūraṇaṃ vīryyavardhanaṃ |
śukravīryakaraṃ hyojaḥ prāṇakṛjjīvasaṃsthitiḥ || 41 ||
[Analyze grammar]

ojaḥ śukrāt sārataramāpītaṃ hṛkadayopagaṃ |
ṣaḍaṅgaśakthinī bāhurmūrdhā jaṭharamīritaṃ || 42 ||
[Analyze grammar]

ṣaṭatvacā vāhyato yadvadanyā rudhiradhārikā |
vilāsadhāriṇī cānyā caturthī kuṇḍadhāriṇī || 43 ||
[Analyze grammar]

pañcamī vidradhisthānaṃ ṣaṣṭhī prāṇadharā matā |
kalā saptamī māṃsadharā dvitīyā raktadhāriṇī || 44 ||
[Analyze grammar]

yakṛtplīhāśrayā cānyā medodharā'sthidhāriṇī |
majjāśleṣmapurīṣāṇāṃ dharā pakkāśayasthitā |
ṣaṣṭhī pittadharā śukradharā śukrāśayā'parā || 45 ||
[Analyze grammar]