Chapter 339

[English text for this chapter is available]

agniruvāca |
akṣaraṃ paramaṃ brhma sanātanamajaṃ vibhuṃ |
vedānteṣu vadantyekaṃ caitanyaṃ jyotirīśvaram || 1 ||
[Analyze grammar]

ānandaḥ sahajastasya vyajyate sa kadācana |
vyaktiḥ sā tasya caitanyacamatkārarasāhvayā || 2 ||
[Analyze grammar]

ādyastasya vikāro yaḥ so'haṅkāra iti smṛtaḥ |
tato'bhimānastatredaṃ samāptaṃ bhuvanatrayaṃ || 3 ||
[Analyze grammar]

abhimānādratiḥ sā ca paripoṣamupeyuṣī |
vyabhicāryyādisāmānyāt śrṛṅgāra iti gīyate || 4 ||
[Analyze grammar]

tadbhedāḥ kāmamitare hāsyādyā apyanekaśaḥ |
svasvasthādiviśeṣotthaparighoṣasvalakṣaṇāḥ || 5 ||
[Analyze grammar]

sattvādiguṇasantānājjāyante paramātmanaḥ |
rāgādbavati śrṛṅgāro raudrastaikṣaṇāt prajāyate || 6 ||
[Analyze grammar]

vīro'vaṣṭambhajaḥ saṅkocabhūrvvībhatsa iṣyate |
śrṛṅgārahāsyakaruṇā raudravīrabhayānakāḥ || 7 ||
[Analyze grammar]

vīrāccādbhutaniṣpattiḥ syādvībhatsādbhayānakaḥ |
śrṛṅgārahāsyakaruṇā raudravīrabhayānakāḥ || 8 ||
[Analyze grammar]

vībhatsādbhutaśāntākhyāḥ svabhāvāccaturo rasāḥ |
lakṣmīriva vinā tyāgānna vāṇī bhāti nīrasā || 9 ||
[Analyze grammar]

apāre kāvyasaṃsāre kavireva prajāpatiḥ |
yathā vai rocate viśvaṃ tathevaṃ parivarttate || 10 ||
[Analyze grammar]

apāre kāvyasaṃsāre kavireva prajāpatiḥ |
yathā vai rocate viśvaṃ tathedaṃ parivarttate || 11 ||
[Analyze grammar]

na bhāvahīno'sti raso na bhāvo rasavarjjitaḥ |
bhāvayanti rasānebhirbhāvyante ca rasā iti || 12 ||
[Analyze grammar]

sthāyitano'ṣṭau ratimukhāḥ stambhādyā vyabhicāriṇaḥ |
mano'nukūle'nubhavaḥ sukhasya ratiriṣyte || 13 ||
[Analyze grammar]

harvādibhiśca manaso vikāśo hāsa ucyate |
citrādidarśanāccetovaiklavyaṃ bruvate bhayam || 14 ||
[Analyze grammar]

jugupsā ca padārthānāṃ nindā daurbhāgyavāhināṃ |
vismayo'tiśayenārthadarśanāccittavistṛtiḥ || 15 ||
[Analyze grammar]

aṣṭau stambhādayaḥ sattvādrajasastamasaḥ param |
stambhaśceṣṭāpratīghāto bhayarāgādyupāhitaḥ || 16 ||
[Analyze grammar]

śramarāgādyupetāntaḥkṣobhajanma vapurjjalaṃ |
svedo harṣādibhirddehocchāsā'ntaḥpulakodgamaḥ || 17 ||
[Analyze grammar]

harṣādijanmavāksaṅgaḥ svarabhedo bhayādibhiḥ |
manovaiklavyamicchanti śokamiṣṭakṣayādibhiḥ || 18 ||
[Analyze grammar]

krodhastaikṣṇaprabodhaśca pratikū lānukāriṇi |
puruṣārthasamāptyārtho yaḥ sa utsāha ucyate || 19 ||
[Analyze grammar]

cittakṣobhabhavottambho vepathuḥ parikīrttitaḥ |
vaivarṇyañca vicaṣādādijanmā kāntiviparyyayaḥ || 20 ||
[Analyze grammar]

duḥkhānandādijannetrajalamaśru ca viśrutam |
indriyāṇāmastamayaḥ pralayo laṅghanādibhiḥ || 21 ||
[Analyze grammar]

vairāgyādirmmanaḥ khedo nirveda iti kathyate |
manaḥ pīḍa़dijanmā ca sādo glāniḥ śarīragā || 22 ||
[Analyze grammar]

śaṅkāniṣṭāgamotprekṣā syādasūyā ca matsaraḥ |
madirādyupayogotthaṃ manaḥ saṃmohanaṃ madaḥ || 23 ||
[Analyze grammar]

kriyātiśayajanmāntaḥśarīrotthaklamaḥ śramaḥ |
śrṛṅgārādikriyādveṣaścittasyālasyamucyate || 24 ||
[Analyze grammar]

dainyaṃ sattvādapabhraṃśaścintārthaparibhāvanaṃ |
itikarttavyatopāyādarśanaṃ moha ucyate || 25 ||
[Analyze grammar]

smṛtiḥ syādanubhūtasya vastunaḥ prativimbanaṃ |
matirarthaparicchedastattvajñānopanāyitaḥ || 26 ||
[Analyze grammar]

vrīḍānurāgādibhavaḥ saṅkocaḥ kopi cetasaḥ |
bhaveccapalatā'sthairyaṃ harṣaścittaprasannatā || 27 ||
[Analyze grammar]

āveśaśca pratīkāraḥ śayo vaidhuryyamātmanaḥ |
karttavye pratibhābhraṃśo jaḍa़tetyabhidhīyate || 28 ||
[Analyze grammar]

iṣṭaprāpterupacitaḥ sampadābhyudayo dhṛtiḥ |
garvvaḥ pareṣvavajñānamātmanyutkarṣabhāvānā || 29 ||
[Analyze grammar]

bhavedviṣādo daivādervighāto'bhīṣṭavastuni |
aussukyamīṣsitāprāptervāñchayā taralā sthitiḥ || 30 ||
[Analyze grammar]

cittendriyāṇāṃ staimityamapasmāro'calā sthitiḥ |
yuddhe bādhādibhīstrāso vīpsā cittacamatkṛtiḥ || 31 ||
[Analyze grammar]

krodhasyāpraśamo'marṣaḥ prabodhaśtecanodayaḥ |
avahitthaṃ bhavedguptiriṅgitākāragocarā || 32 ||
[Analyze grammar]

roṣato guruvāgdaṇḍapāruṣyaṃ vidurugratāṃ |
ūho vitarkaḥ syādvyādhirmanovapuravagrahaḥ || 33 ||
[Analyze grammar]

anibaddhapralāpādirunmādo madanādibhiḥ |
tatvajñānādinā cetaḥkaṣāyoparamaḥ śamaḥ || 34 ||
[Analyze grammar]

kavibhiryojanīyā vai bhāvāḥ kāvyādike rasāḥ |
vibhāvyate hi ratyādiryatra yena vibhāvyate || 35 ||
[Analyze grammar]

vibhāvo nāma sa dvedhālambanoddīpanātmakaḥ |
ratyādibhāvavargo'yaṃ yamājīvyopajāyate || 36 ||
[Analyze grammar]

ālambanavibhāvo'sau nāyakādibhavastathā |
dhīrodātto dhīroddhataḥ syāddhīralalitastathā || 37 ||
[Analyze grammar]

dhīrapraśānta ityevaṃ caturddhā nāyakaḥ smṛtaḥ |
anukūlo dakṣaiṇaśca śaṭho dhṛṣṭaḥ pravarttitaḥ || 38 ||
[Analyze grammar]

pīṭhamarddo viṭaścaiva vidūṣaka iti trayaḥ |
śrṛḍgāre narmmasacivā nāyakasyānunāyakā || 39 ||
[Analyze grammar]

pīṭhamarddaḥ sambalakaḥ śrīmāṃstadveśajo viṭaḥ |
vidūṣako vaihasikastvaṣṭanāyakanāyikāḥ || 40 ||
[Analyze grammar]

svakīyā parakīyā ca punarbhūriti kauśikāḥ |
sāmānyā na punarbhūrirityādyā bahubhedataḥ || 41 ||
[Analyze grammar]

uddīpanavibhāvāste saṃskārairvividhaiḥ sthitaiḥ |
ālambanavibhāveṣu bhāvānuddīpayanti ye || 42 ||
[Analyze grammar]

catuḥṣaṣṭikalā dvedhā karmmādyairgītikādibhiḥ |
kuhakaṃ smṛtirapyeṣāṃ prāyo hāsopahārakaḥ || 43 ||
[Analyze grammar]

ālambanavibhāvasya bhāvairudvuddhasaṃskṛtaiḥ |
manovāgbuddhivapuṣāṃ smṛtīcchādveṣayatnata || 44 ||
[Analyze grammar]

ārambha eva viduṣāmanubhāva iti smṛtaḥ |
sa cānubhūyate cātra bhavatyuta nirucyate || 45 ||
[Analyze grammar]

manovyāpārabhūyiṣṭho mana ārambha ucyate |
dvividhaḥ pauruṣastraiṇa īṭṭaśo'pi prasidhyati || 46 ||
[Analyze grammar]

śobhā vilāso mādhuryyaṃ sthairyyaṃ gāmbhīryyameva ca |
lalitañca tathaudāryyantejo'ṣṭāviti pauruṣāḥ || 47 ||
[Analyze grammar]

nīcanindottamasparddhā śauryyaṃ dākṣādikāraṇaṃ |
manodharmme bhavecchobhā śobhate bhavanaṃ yathā || 48 ||
[Analyze grammar]

bhāvo hāvaśca helā ca śobhā kāntistathaiva ca |
dīptirmmādhuryyaśauryye ca prāgalūbhyaṃ syādudāratā || 49 ||
[Analyze grammar]

sthairyyaṃ gambhīratā strīṇāṃ vibhāvā dvādaśeritāḥ |
bhāvo vilāso hāvaḥ syādbhāvaḥ kiñcicca harṣajaḥ || 50 ||
[Analyze grammar]

vāco yuktirbhavedvāgārambho dvādaśa eva saḥ |
tatrābhāṣaṇamālāpaḥ pralāpo vacanaṃ vahu1 || 51 ||
[Analyze grammar]

vilāpo duḥkhavacanamanulāpo'sakṛdvacaḥ |
saṃlāpa uktapratyuktamapalāpo'nyathāvacaḥ || 52 ||
[Analyze grammar]

vārttāprayāṇaṃ sandeśo nirdeśaḥ pratipādanam |
tattvadeśo'tideśo'yamapadeśo'nyavarṇanam || 53 ||
[Analyze grammar]

upadeśaśca śikṣāvāk vyājoktirvyapadeśakaḥ |
vodhāya eṣa vyāpāraḥ subuddhyārambha iṣyate || 54 ||
[Analyze grammar]

tasya bhedāstrayaste ca rītivṛttipravṛttayaḥ || 55 ||
[Analyze grammar]