Chapter 292

[English text for this chapter is available]

dhanvantariruvāca |
goviprapālanaṃ kāryyaṃ rājñā gośāntimāvade |
gāvaḥ pavitrā māṅgalyā goṣu lokāḥ pratiṣṭhitāḥ || 2 ||
[Analyze grammar]

śakṛnmūtraṃ paraṃ tāsāmalakṣamīnāśanaṃ paraṃ |
gavāṃ kaṇḍūyanaṃ vāri śrṛhgasyāghaughamarddanam || 3 ||
[Analyze grammar]

rocanā viṣarakṣoghnī grāsadaḥ svargago gavāṃ |
yadgṛhe duḥkhitā gāvaḥ sa yāti narakannaraḥ || 4 ||
[Analyze grammar]

paragogrāsadaḥ svargī gohito brahmalokabhāk |
godānātkīrttanādrakṣāṃ kṛtvā coddharate kulam || 5 ||
[Analyze grammar]

gavāṃ śvāsāt pavitrā bhūsparśanātkilviṣakṣayaḥ |
gomṛtraṃ gomayaṃ kṣīraṃ dadhi sarpiḥ kuśodakam || 6 ||
[Analyze grammar]

ekarātropavāsaśca śvapākamapi śodhayet |
sarvvāśubhavināśāya purācaritamīśvaraiḥ || 7 ||
[Analyze grammar]

pratyekañca tryahābhyastaṃ mahāsāntapanaṃ smṛtaṃ |
sarvakāmapradañcaitat sarvvāśubhavīmarddanam || 8 ||
[Analyze grammar]

kṛcchrātikṛcchraṃ payasā divasānekaviṃśatiṃ |
nirmmalāḥ sarvvakāmāptyā syurgagāḥ syurnnarottamāḥ || 9 ||
[Analyze grammar]

tryahamuṣṇaṃ pivenmūtraṃ tryahamuṣṇaṃ ghṛtaṃ pivet |
tryahamuṣṇaṃ payaḥ pītvāḥ vāyubhakṣaḥ paraṃ tryaham || 10 ||
[Analyze grammar]

taptakṛcchravrataṃ sarvvapāpaghnaṃ brahmalokadaṃ |
śītaistu śītakṛcchraṃ syādbrahmoktaṃ brahmalokadaṃ || 11 ||
[Analyze grammar]

gomūtreṇācaretsnānaṃ vṛttiṃ kuryyācca gorasaiḥ |
gobhirvrajecca bhuktāsu bhuñjītātha ca govratī || 12 ||
[Analyze grammar]

māsenaikena niṣpāpo golokī svargago bhavet |
vidyāñca gomatīṃ japtvā golokaṃ paramaṃ vrajet || 13 ||
[Analyze grammar]

gautairnnṛtyerapsarobhiviṃmāne tatra modate |
gāvaḥ surabhayo nityaṃ gāvo guggulagandhikāḥ || 14 ||
[Analyze grammar]

gāvaḥ pratiṣṭhā bhūtānāṃ gāvaḥ svastyayanaṃ paraṃ |
annameva paraṃ gāvo devānāṃ haviruttamam || 15 ||
[Analyze grammar]

pāvanaṃ sarvvabhūtānāṃ kṣaranti ca vadanti ca |
haviṣā mantrapūtena tarpayantvamarāndivi || 16 ||
[Analyze grammar]

ṛṣīṇāmagnihotreṣu gāvo homeṣu yojitāḥ |
sarvveṣāmeva bhūtānāṃ gāvaḥ śaraṇamuttamaṃ || 17 ||
[Analyze grammar]

gāvaḥ pacitraṃ paramaṃ gāvo māṅgalyamuttamaṃ |
gāvaḥ svargasya sopānaṃ gāvo dhanyāḥ sanātanāḥ || 18 ||
[Analyze grammar]

namo gobhyaḥ śrīmatībhyaḥ saurabheyībhya eva ca |
namo brahmasutābhyaśca pavitrābyo namo namaḥ || 19 ||
[Analyze grammar]

brāhmaṇāścaiva gāvaśca kulamekaṃ dvidhā kṛtam |
ekatra mantrāstiṣṭhanti havirekatra tiṣṭhati || 20 ||
[Analyze grammar]

devabrāhmaṇagosādhusādhvībhiḥ sakalaṃ jagat |
dhāryyate vai sadā sasmāt sarvve pūjyatamā matāḥ || 21 ||
[Analyze grammar]

pivanti yatra tattīrthaṃ gahgādyā gāva eva hi |
gavāṃ māhātmyamuktaṃ hi cikitsāñca tathā śrṛṇu || 22 ||
[Analyze grammar]

śrṛṅgāmayeṣu dhenūnāṃ tailaṃ dadyāt sasaindhavaṃ |
śrṛṅgaverabalāmāṃsakalkasiddhaṃ samākṣikaṃ || 23 ||
[Analyze grammar]

karṇaśūleṣu sarveṣu mañjiṣṭhāhiṅgusaindhavaiḥ |
siddhaṃ tailaṃ pradātavyaṃ rasonenaitha vā punaḥ || 24 ||
[Analyze grammar]

vilvamūlamapāmārgandhātakī ca sapāṭalā |
kuṭajandantamūleṣu lepāttacchūlanāśanaṃ || 25 ||
[Analyze grammar]

dantaśūlaharairdravyairghṛtaṃ rāma vipācitaṃ |
mukharogaharaṃ jñeyaṃ jihvārogeṣu saindhavaṃ || 26 ||
[Analyze grammar]

śrṛṅgaveraṃ haridre dve triphalā ca galagrahe |
hṛcchūle vastiśule ca vātaroge kṣaye tathā || 27 ||
[Analyze grammar]

triphalā ghṛtamiśrā ca gavāṃ pāne praśasyate |
atīsāre haridre dve pāṭhāñcaiva pradāpayet || 28 ||
[Analyze grammar]

sarveṣu koṣṭharogeṣu tathā śākhāgadeṣu ca |
śrṛṅgaverañca bhārgīñca kāse śvāse pradāpayet || 29 ||
[Analyze grammar]

dātavyā bhagnasandhāne priyaṅgurlavaṇānvitā |
tailaṃ vātaharaṃ pitte madhuyaṣṭīvipācitaṃ || 30 ||
[Analyze grammar]

kaphe vyoṣañca samadhu sapuṣṭakarajo'sraje |
tailājyaṃ haritālañca bhagnakṣatiśrṛtandadet || 31 ||
[Analyze grammar]

māṣāstilāḥ sagodhūmāḥ paśukṣīraṃ ghṛtaṃ tathā |
eṣāṃ piṇḍī salavaṇā vatsānāṃ puṣṭidā tviyaṃ || 32 ||
[Analyze grammar]

balapradā viṣāṇāṃ syād grahanāśāya dhūpakaḥ |
devadāru vacā māṃsī gugguluhiṅgusarṣapāḥ || 33 ||
[Analyze grammar]

grahādigadanāśāya eṣa dhupo gavāṃ hitaḥ |
ghaṣṭā caiva gavāṃ kāryā dhūpenānena dhūpitā || 34 ||
[Analyze grammar]

aśvagandhātilaiḥ śuklaṃ tena gauḥ kṣīriṇī bhavet |
rasāyanañca pinyākaṃ matto yo dhāryyate gṛhe || 35 ||
[Analyze grammar]

gavāṃ purīṣe pañcamyāṃ nityaṃ śāntyai śriyaṃ yajet |
vāsudevañca gandhādyairaparā śāntirucyate || 36 ||
[Analyze grammar]

aśvayukśuklapakṣasya pañcadaśyāṃ yajeddhariṃ |
harirudramajaṃ sūryyaṃ śriyamagniṃ ghṛtena ca || 37 ||
[Analyze grammar]

dadhi samprāśya gāḥ pūjya kāryyaṃ vahnipradakṣiṇaṃ |
vṛṣāṇāṃ yojayed yuddhaṃ gītavādyaravairvahiḥ || 38 ||
[Analyze grammar]

gavāntu lavaṇandeyaṃ brāhmaṇānāñca dakṣiṇā |
naimittike mākarādau yajedviṣṇuṃ saha śriyā || 39 ||
[Analyze grammar]

sthaṇaaḍilevje madhyagate kadikṣu keśaragān surān |
subhadrājo raviḥ pūjyo bahurūpo balirvahiḥ || 40 ||
[Analyze grammar]

khaṃ viśvarūpā siddhisca ṛddhiḥ śāntiśca rohiṇī |
digdhenavo hi pūrvādyāḥ kṛśaraiścandra īśvaraḥ || 41 ||
[Analyze grammar]

dikpālāḥ padmapatreṣu kumbheṣvagnau ca homayet |
kṣīravṛkṣasya samidhaḥ sarṣapākṣatataṇḍulān || 42 ||
[Analyze grammar]

śataṃ śataṃ suvarṇañca kāṃsyādikaṃ dvije dadet |
gāvaḥ pūjyā vimoktavyāḥ śāntyai kṣīrādisaṃyutāḥ || 43 ||
[Analyze grammar]

śālihotraḥ suśrutāya hayāyurvedamuktavān |
pālakāpyo'ṅgarājāya gajāyurvedamabravīt || 44 ||
[Analyze grammar]