Chapter 281

[English text for this chapter is available]

dhanvantariruvāca |
rasādilakṣaṇaṃ vakṣye bheṣajānāṃ guṇaṃ śrṛṇu |
rasavīryyavipākajño nṛpādīnrakṣayennaraḥ || 1 ||
[Analyze grammar]

rasāḥ svādvamlalavaṇāḥ somajāḥ parikīrttitāḥ |
kaṭutiktakaṣāyāni tathāgneyā mahābhuja || 2 ||
[Analyze grammar]

tridhā vipāko dravyasya kaṭvamllavaṇaātmakaḥ |
dvidhā vīyya samuddiṣṭamuṣṇaṃ śītaṃ tathaiva ca || 3 ||
[Analyze grammar]

anirdeśyaprabhāvaśca oṣadhīnāṃ dvijottama |
madhuraśca kaṣāyaśca tiktaścaiva tathā rasaḥ || 4 ||
[Analyze grammar]

śītavīryyāḥ samuddiṣṭāḥ śeṣāstūṣṇāḥ prakīrttitāḥ |
guḍucī tatra tiktāpi bhavatyuṣṇātivīryataḥ || 5 ||
[Analyze grammar]

uṣṇā kaṣāyāpi tathā pathyā bhavati mānada |
madhuropi tathā māṃsa uṣṇa eva prakīrttitaḥ || 6 ||
[Analyze grammar]

lavaṇo madhuraścaiva vipākamadhurau smṛtau |
amloṣṇaśca tathā proktaḥ śeṣāḥ kaṭuvipākinaḥ || 7 ||
[Analyze grammar]

vīryyapāke viparyyaste prabhāvāttatra niścayaḥ |
madhuro'pi kaṭuḥ pāke yaccaḥ kṣaudraṃ prakīrttitaṃ || 8 ||
[Analyze grammar]

kkāthayet ṣoḍaśaguṇaṃ piveddravyāccaturguṇam |
kalpanaiṣā kaṣāyasya yatra nokto vidhirbhavet || 9 ||
[Analyze grammar]

kaṣāyantu bhavettoyaṃ snehapāke caturguṇaṃ |
dravyatulyaṃ samuddhṛtya dravyaṃ snehaṃ kṣipedbudhaḥ || 10 ||
[Analyze grammar]

tāvatpramāṇaṃ dravyasya snehapādaṃ tataḥ kṣipet |
toyavarjjantu yaddravyaṃ snehadrabyaṃ tathā bhavet || 11 ||
[Analyze grammar]

saṃvarttitauṣadhaḥ pākaḥ snehānāṃ parikīrttitaḥ |
tattulyatā tu lehyasya tathā bhavati suśruta || 12 ||
[Analyze grammar]

svacchamalpauṣadhaṃ kkāthaṃ kaṣāyañcoktavadbhavet |
akṣaṃ cūrṇasya nirdiṣṭaṃ kaṣāyasya catuṣpalaṃ || 13 ||
[Analyze grammar]

madhyamaiṣā smṛtā mātrā nāsti mātrāvikalpanā |
vayaḥ kālaṃ balaṃ vahniṃ deśaṃ dravyaṃ rujaṃ tathā || 14 ||
[Analyze grammar]

samavekṣya mahābhāga mātrāyāḥ kalpanā bhavet |
saumyāstatra rasāḥ prāyo vijñeyā dhātuvarddhanāḥ || 15 ||
[Analyze grammar]

madhurāstu viśeṣeṇa vijñeyā dhātuvarddhanāḥ |
doṣāṇāñcaiva dhātūnā dravyaṃ samaguṇantu yat || 16 ||
[Analyze grammar]

tadeva vṛddhaye jñeyaṃ viparītaṃ kṣamāvaham |
upastambhatrayaṃ proktaṃ dehe'sminmanujottama || 17 ||
[Analyze grammar]

āhāro maithunaṃ nidrā teṣu yatnaḥ sadā bhavet |
asevanāt sevanācca atyantaṃ nāśamāpnuyāt || 18 ||
[Analyze grammar]

kṣayasya bṛṃhaṇaṃ kāryaṃ sthūladehasya karṣaṇam |
rakṣaṇaṃ madhyakāyasya dehabhedāstrayo matāḥ || 19 ||
[Analyze grammar]

upakramadvayaṃ proktaṃ tarpaṇaṃ vāpyatarpaṇaṃ |
hitāśīca mitāśī ca jīrṇāśī ca tathā bhavet || 20 ||
[Analyze grammar]

oṣadhīnāṃ pañcavidhā tathā bhavati kalpanā |
rasaḥ kalkaḥ śrṛtaḥ śītaḥ phāṇṭaśca manujottama || 21 ||
[Analyze grammar]

rasaśca pīḍako jñeyaḥ kalka āloḍa़िtād bhavet |
kkathitaśca śrṛto jñeyaḥ śītaḥ paryuṣito niśāṃ || 22 ||
[Analyze grammar]

sadyobhiśrṛtapūtaṃ yat tat phāṇṭamabhidhīyate |
karaṇānāṃ śatañcaiva ṣaṣṭiścaivādhikā smṛtā || 23 ||
[Analyze grammar]

yo vetti sa hyajeyaḥ syātsambandhe vāhuśauṇḍikaḥ |
āhāraśuddhiraganyarthamagnimūlaṃ balaṃ nṛṇāṃ || 24 ||
[Analyze grammar]

sasindhutriphalāñcādyātsurājñi abhivarṇadāṃ |
jāṅgalañca rasaṃ sindhuyuktaṃ dadhi payaḥ kaṇāṃ || 25 ||
[Analyze grammar]

rasādhikaṃ samaṃ kuryyānnaro vātādhiko'pi vā |
nidāghe marddanaṃ proktaṃ śiśire ca samaṃ bahu || 26 ||
[Analyze grammar]

vasante madhyamaṃ jñeyannidāghe mardanolvaṇaṃ |
tvacantu prathamaṃ marddyamaṅgañca tadanantaraṃ || 27 ||
[Analyze grammar]

snāyurudhiradeheṣu asthi bhātīva māṃsalaṃ |
skandhau bāhū tathaiveha tathā jaṅghe sajānunī || 28 ||
[Analyze grammar]

arivanmarddayet prājño jatru vakṣaśca pūrvavat |
aṅgasandhiṣu sarvveṣu niṣpīḍya bahulaṃ tathā || 29 ||
[Analyze grammar]

prasārayedaṅgasandhīnna ca kṣepeṇa cākramāt |
nājīrṇe tu śramaṃ kuryyānna bhuktvā pītavānnaraḥ || 30 ||
[Analyze grammar]

dinasya tu caturbhāga ūdrdhvantu praharārddhake |
vyāyāmaṃ naiva karttavyaṃ snāyācchītāmbunā sakṛt || 31 ||
[Analyze grammar]

vāryyuṣṇañca śramaṃ jahyāddhṛdā śvāsanna dhārayet |
vyāyāmaśca kaphaṃ hanyādvātaṃ hanyācca marddanam || 32 ||
[Analyze grammar]

snānaṃ pittādhikaṃ hanyāttasyānte cātapāḥ priyāḥ |
ātapakleśakarmādau kṣemavyāyāmino narāḥ || 33 ||
[Analyze grammar]