Chapter 263

[English text for this chapter is available]

puṣkara uvāca |
śrīsūktaṃ prativedañca kṣeyaṃ lakṣaamīvivarddhanaṃ |
hiraṇyavarṇā hariṇīmṛcaḥ pañcadaśa śriyaḥ || 1 ||
[Analyze grammar]

ratheṣvakṣeṣu vājeti catasro yajuṣi śriyaḥ |
srāvantīyaṃ tathā sāma śrīsūktaṃ sāmavedake || 2 ||
[Analyze grammar]

śriyaṃ dhātarmayi dhehi proktamātharvaṇe tathā |
śrīsūktaṃ yo japedbhaktyā hatvā śrīstasya vai bhavet || 3 ||
[Analyze grammar]

padmāni cātha vilvāni hutvājyaṃ vā lilān śriyaḥ |
ekantu pauruṣaṃ sūktaṃ prativedantu sarvadaṃ || 4 ||
[Analyze grammar]

sūktena dadyānniṣpāpo hyekaikayā1 jalāñjaliṃ |
snāta ekaikayā puṣpaṃ viṣṇorddatvāghahā bhavet || 5 ||
[Analyze grammar]

snāta ekaikayā datvā phalaṃ syāt sarvakāmabhāk |
mahāpāpopapāpānto bhavejjaptvā tu pairuṣaṃ || 6 ||
[Analyze grammar]

kṛcchrairviśuddho japtvā ca hutvā snātvā'tha sarvabhāk |
aṣṭādaśabhyaḥ sāntibhyastisro'nyāḥ śāntayo varāḥ || 7 ||
[Analyze grammar]

amṛtā cābhyā saumyā sarvvotpātavimarddanāḥ |
amṛtā sarvadaivatyā abhyā brahmadaivatā || 8 ||
[Analyze grammar]

saumyā ca sarvadaivatyā ekā syātsarvvakāmadā |
abhayāyāmaṇiḥ kāryyo varuṇasya bhṛgūttama || 9 ||
[Analyze grammar]

śatakāṇḍo'mṛtāyāśca saumyāyāḥ śaṅkhajo maṇiḥ |
taddaivatyāstathā mantrāḥ siddhau syānmaṇibandhanaṃ || 10 ||
[Analyze grammar]

divyāntarīkṣabhaumādisamutpātārdanāimāḥ |
dvivyāntarīkṣabhaumantu adbhutaṃ trividhaṃ śrṛṇu || 11 ||
[Analyze grammar]

graharkṣavaikṛtaṃ divyamāntarīkṣannibodha me |
ulkāpātaśca digdāhaḥ pariveśastathaiva ca || 12 ||
[Analyze grammar]

gandharvanagarañcaiva vṛṣṭiśca vikṛtā ca yā |
carasthirabhavaṃ bhūmau bhūkampamapi bhūmijaṃ || 13 ||
[Analyze grammar]

saptāhābhyantare vaṣṭāvadbhutaṃ niṣphalaṃ bhavet |
śāntiṃ vinā tribhirvarṣairadbhutaṃ bhayakṛdbhavet || 14 ||
[Analyze grammar]

devatārccāḥ pranṛtyanti vepante prajvalanti ca |
āraṭhanti ca rodanti prasvidyantehasanti ca || 15 ||
[Analyze grammar]

arccāvikāropaśamo'bhyarcya hutvā prajāpateḥ |
anagnirdīpyate yatra rāṣṭre ca bhṛśanisvanaṃ || 16 ||
[Analyze grammar]

na dīpyate cendhanavāṃstadrāṣṭraṃ pīḍyate nṛpaiḥ |
agnivaikṛtyaśamanamagnimantraiśca bhārgava || 17 ||
[Analyze grammar]

akāle phalitā vṛkṣāḥ kṣīraṃ raktaṃ sravanti ca |
vṛkṣotpātapraśamanaṃ śivaṃ pūjya ca kārayet || 18 ||
[Analyze grammar]

ativṛṣṭiranāvṛṣṭirdurbhikṣāyobhayaṃ mataṃ |
anṛtau tridinārabghavṛṣṭirjñeyā bhayāya hi || 19 ||
[Analyze grammar]

vṛṣṭivaikṛtyanāśaḥ syātparjanyendvarkapūjanāt |
nagarādapasarpante samīpamupayānti ca || 20 ||
[Analyze grammar]

nadyo hradapraśravaṇā virasāśca bhavanti ca |
salilāśayavaikṛtye japtavyo vāruṇo manuḥ || 21 ||
[Analyze grammar]

akālaprasavā nāryyaḥ kālato vāprajāstathā |
vikṛtaprasavāścaiva yugmaprasavanādikaṃ || 22 ||
[Analyze grammar]

strīṇāṃ prasavavaikṛtye strīviprādi prapūjayet |
vaḍa़vā hastinī gaurvā yadi yugmaṃ prasūyate || 23 ||
[Analyze grammar]

vijātyaṃ vikṛtaṃ vāpi ṣaḍbhirmāsairmriyet vai |
vikṛtaṃ vā prasūyante paracakrabhayaṃ bhavet || 24 ||
[Analyze grammar]

homaḥ prasūtivaikṛtye japo viprādipūjanaṃ |
yāni yānānyayuktāni yuktāni na vahanti ca || 25 ||
[Analyze grammar]

ākāśe tūryanādāśca mahadbhayamupasthitaṃ |
praviśanti yadā grāmamāraṇyā mṛgapakṣiṇaḥ || 26 ||
[Analyze grammar]

araṇyaṃ yānti vā grāmyāḥ jalaṃ yānti sthalodbhavāḥ |
sthalaṃ vā jalajā yānti rājādvārādike śivāḥ || 27 ||
[Analyze grammar]

pradoṣe kukkuṭo vāse śivā cārkodaye bhavet |
gṛhaṅkapotaḥ praviśet kravyādvā mūrdidhna līyate || 28 ||
[Analyze grammar]

madhurāṃ makṣikāṃ kuryyāṃt kāko maithunago dṛśi |
prāsādatoraṇodyānadvāraprākāraveśmanāṃ || 29 ||
[Analyze grammar]

animittantu patanaṃ dṛḍha़ाnāṃ rājamṛtyave |
rajasā vātha kadhūmena diśo yatra samākulāḥ || 30 ||
[Analyze grammar]

ketūdayoparāgau ca chidratā śaśisūryayoḥ |
graharkṣavikṛtiryatra tatrāpi bhayamādiśet || 31 ||
[Analyze grammar]

agniryatra na dīpyeta stravante codakumbhakāḥ |
mṛtirbhayaṃ śūnytādirutpātānāṃ phalambhavet || 32 ||
[Analyze grammar]