Chapter 257

[English text for this chapter is available]

agniruvāca |
sīgno vivāde kṣetrasya sāmantāḥ sthavirā gaṇāḥ |
gopāḥ sīmākṛṣāṇā ye sarve ca vanagocarāḥ || 1 ||
[Analyze grammar]

nayeyurete sīmānaṃ sthalāṅgāratuṣadrumaiḥ |
setuvalmīkanimnāsthicaityādyairupalakṣitām || 2 ||
[Analyze grammar]

sāmāntā vā samaṃ grāmāścatvāro'ṣṭau daśāpi vā || 1 ||
[Analyze grammar]

raktasragvasanāḥ sīmānnayeyuḥ kṣitidhāriṇaḥ || 3 ||
[Analyze grammar]

anṛte tu pṛthagdaṇḍyā rājñā madhyamasāhasam |
abhāve jñātṛcihnānāṃ rājā sīmnaḥ pravarttakaḥ || 4 ||
[Analyze grammar]

ārāmāyatanagrāmanipānodyānaveśmasu |
eṣa eva vidhirjñeyo varṣāgvupravaheṣu ca || 5 ||
[Analyze grammar]

maryyādāyāḥ prabhedeṣu kṣetrasya haraṇe tathā |
maryyādāyāśca daṇḍyāḥ syuradhamottamamadhyamāḥ || 6 ||
[Analyze grammar]

na niṣedhyo'lpabādhastu setuḥ kalyāṇakārakaḥ |
parabhūmiṃ haran kūpaḥ svalpakṣetro bahūdakaḥ || 7 ||
[Analyze grammar]

svāmine yo'nivedyaiva kṣetre setuṃ prakalpayet |
utpanne svāmino bhogastadabhāve mahīpateḥ || 8 ||
[Analyze grammar]

phālāhatamapi kṣetraṃ yo na kuryānna kārayet |
sa pradāpyo'kṛṣṭaphalaṃ kṣetramanyena kārayet || 9 ||
[Analyze grammar]

māsānaṣṭau tu mahiṣo sasyaghātamtha kāriṇī |
daṇḍanāyā tadarddhantu gaustadarddhanajāvikaṃ || 10 ||
[Analyze grammar]

bhakṣayitvopaviṣṭānāṃ yathoktād dviguṇo damaḥ |
samameṣāṃ vivitepi khareṣṭraṃ mahiṣīsamam || 11 ||
[Analyze grammar]

yāvat sasyaṃ vinaṣṭantu tāvat kṣetrī phalaṃ labhet |
pālastāḍyo'tha gosvāmī pūrvoktaṃ daṇḍamarhati || 12 ||
[Analyze grammar]

pathi grāmavivītante kṣetre doṣo na vidyate |
akāmataḥ kāmacāre cauravaddaṇḍamarhati || 13 ||
[Analyze grammar]

mahokṣotsṛṣṭapaśavaḥ sūtikāgantukā ca gauḥ |
pālo yeṣāntu te mocyā daivarājapariplutāḥ || 14 ||
[Analyze grammar]

yathārpitān paśūn gopaḥ sāyaṃ pratyarpayettathā |
pramādamṛtanaṣṭāṃśca pradāpyaḥ kṛtavetanaḥ || 15 ||
[Analyze grammar]

pāladoṣavināśe tu pāle daṇḍo vidhīyate |
arddhatrayodaśapaṇaḥ svāmino dravyameva ca || 16 ||
[Analyze grammar]

grāmecchayā gopracāro bhūmirājavaśena vā |
dvijastṛṇaidhaḥ puṣpāṇi sarvataḥ svavadāharet || 17 ||
[Analyze grammar]

dhanuḥśataṃ parīṇāho grāmakṣetrāntaraṃ bhavet |
dve śane kharvaṭasya syānnagarasya catuḥśatam || 18 ||
[Analyze grammar]

svaṃ labhetānyavikrītaṃ kreturddoṣo'prakāśite |
hīnādraho hīnamūlye velāhīne ca taskaraḥ || 19 ||
[Analyze grammar]

naṣṭā pahṛtamāsādya harttāraṃ grāhayennaram |
deśakālātipattau vā gṛhītvā svayamarpayet || 20 ||
[Analyze grammar]

vikreturddarśanācchuddhiḥ svāmī dravyaṃ nṛpo damam |
kretā mūlyaṃ samāpnoti tasmādyastava vikrayī || 21 ||
[Analyze grammar]

āgamenopabhogena naṣṭaṃ bhāvyamato'nyathā |
pañcabandho damastasya rājñe tenāpyabhāvite || 22 ||
[Analyze grammar]

hṛtaṃ pranaṣṭaṃ yo dravyaṃ parahastadavāpnuyāt |
anivedya nṛpe daṇḍyaḥ sa tu ṣaṇṇavatiṃ paṇān || 23 ||
[Analyze grammar]

śaulikakaiḥ sthānapālairvā naṣṭāpahṛtamāhṛtaṃ |
arvvāk saṃvatsarāt svāmī labhate parato nṛpaḥ || 24 ||
[Analyze grammar]

paṇānekaśaphe dadyāccaturaḥ pañca mānuṣe |
mahiṣoṣṭragavāṃ dvau dvau pādaṃ pādamajāvike || 25 ||
[Analyze grammar]

svakuṭumbāvirodhena deyaṃ dārasutādṛte |
nānvaye sati sarvasvaṃ deyaṃ yaccānyasaṃśrutam || 26 ||
[Analyze grammar]

pratigrahaḥ prakāśaḥ syāt sthāvarasya viśeṣataḥ |
deyaṃ pratiśrutañcaiva datvā nāpaharet punaḥ || 27 ||
[Analyze grammar]

daśaikapañcasaptāhamāsatryahārddhamāsikaṃ |
vījāyovāhyaratnastrīdohyapuṃsāṃ pratīkṣaṇam || 28 ||
[Analyze grammar]

agnau suvarṇamakṣīṇaṃ dvipalaṃ rajate śate |
aṣṭau trapuṇi sīse ca tāmre pañcadaśāyasi || 29 ||
[Analyze grammar]

śate daśapalāvṛddhiraurṇe kārpāsike tathā |
madhye pañcapalā jñeyā sūkṣme tu tripalā matā || 30 ||
[Analyze grammar]

kārmmike romabaddhe ca triṃśadbhāgaḥ kṣayo mataḥ |
na kṣayo na ca vṛddhistu kauśeye valkaleṣu ca || 31 ||
[Analyze grammar]

deśaṃ kālañca bhogañca jñātvā naṣṭe balābalam |
dravyāṇaāṃ kuśalā bruyuryaddāpyamasaṃśayam || 32 ||
[Analyze grammar]

balāddāsīkṛtaścaurairvikrītaścāpi mucyate |
svāmiprāṇapado bhaktatyāgāttanniṣkrayādapi || 33 ||
[Analyze grammar]

pravrajyāvasito rājñā dāsa āmaraṇāntikaḥ |
varṇānāmānulobhyaṃna dāsyaṃ na pratilomataḥ || 34 ||
[Analyze grammar]

kṛtaśilpopi nivaset kṛtakālaṃ gurorgṛhe |
antevāsī guruprāptabhojanastatphalapradaḥ || 35 ||
[Analyze grammar]

rājā kṛtvā pure sthānaṃ brāhmaṇannyasya tatra tu |
traividyaṃ vṛttimadbrūyāt svadharmmaḥ pālyatāmiti || 36 ||
[Analyze grammar]

nijadharmmāvirodhena yastu sāmayiko bhavet |
sopi yatnena saṃrakṣyo dharmo rājakṛtaśca yaḥ || 37 ||
[Analyze grammar]

gaṇadravyaṃ haredyastu saṃvidaṃ laṅghayecca yaḥ |
sarvasvaharaṇaṃ kṛtvā taṃ rāṣṭradvipravāsayet || 38 ||
[Analyze grammar]

karttavyaṃ vacanaṃ sarvaiḥ samūhahitavādibhiḥ |
yastatra viparītaḥ syātsa dāpyaḥ prathamaṃ damma || 39 ||
[Analyze grammar]

samūhakāryyaprahito yallabhettattadarpayet |
ekādaśaguṇaṃ dāpyo yadyasau nārpayet svayam || 40 ||
[Analyze grammar]

vedajñāḥ śucayo'lubdhā bhaveyuḥ kāryacintakāḥ |
karttavyaṃ vacanaṃ teṣā samūhahitavādināṃ || 41 ||
[Analyze grammar]

śreṇinaigamapākhaṇḍigaṇānāmapyayaṃ vidhiḥ |
bhedañcaiṣāṃ nṛpo rakṣaet pūrvavṛttiñca pālayet || 42 ||
[Analyze grammar]

gṛhītavetanaḥ karmma tyajan dviguṇamāvahet |
agṛhīte samaṃ dāpyo bhṛtyai rakṣya upaskaraḥ || 43 ||
[Analyze grammar]

dāpyastu daśamaṃ bhāgaṃ bāṇijyapaśusasyataḥ |
aniścitya bhṛtiṃ yastu kārayetsa mahīkṣaitā || 44 ||
[Analyze grammar]

deśaṃ kālañca yo'tīyāt karmma kuryyācca yo'nyathā |
tatra tu svāminaśchando'dhikaṃ deyaṃ kṛte'dhike || 45 ||
[Analyze grammar]

yo yāvat kurute karmma tāvattasya tu vetanam |
ubhayorapyasādhyañcet sādhye kuryyādyathāśrutam || 46 ||
[Analyze grammar]

arājadaivikannaṣṭaṃ bhāṇḍaṃ dāpyastu vāhakaḥ |
prasthānavighnakṛccaiva capradāpyo dviguṇāṃ bhṛtim || 47 ||
[Analyze grammar]

prakānte saptamaṃ bhāgaṃ caturthaṃ pathi saṃtyajan |
bhṛtimarddhapathe sarvvāṃ pradāpyastyājakopi ca || 48 ||
[Analyze grammar]

glahe śatikavṛddhestu sabhikaḥ pañcakaṃ śataṃ |
gṛhṇīyāddhūrttakitavāditarāddaśakaṃ śataṃ || 49 ||
[Analyze grammar]

sa samyakpālito dadyādrajñe bhāgaṃ yathākṛtaṃ |
jitamudgrāhayejjetre dadyātsatyaṃ vacaḥ kṣamī || 50 ||
[Analyze grammar]

prapte nṛpatinā bhāgo prasiddhe dhūrttamaṇḍale |
jitaṃ saśabhike sthāne dāpayedanyathā na tu || 51 ||
[Analyze grammar]

draṣṭāro vyavahārāṇāṃ sākṣiṇaśca ta eva hi |
rājñā sacihnā nirvāsyāḥ kūṭākṣopadhidevinaḥ || 52 ||
[Analyze grammar]

dyūtamekamukhaṃ kāryyaṃ taskarajñānakāraṇāt |
eṣa eva vidhirjñeyaḥ prāṇidyūte samāhvaye || 53 ||
[Analyze grammar]