Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 237

< Previous

Next >

[English text for this chapter is available]

puṣkara uvāca |
rājyalakṣmīsthiratvāya yathendreṇa purā śriyaḥ |
stutiḥ kṛtā tathā rājā jayārthaṃ stutimācaret || 1 ||
[Analyze grammar]

indra uvāca |
namasye sarvalokānāṃ jananīmabdhisambhavāṃ |
śriyamunnidrapadmākṣīṃ viṣṇuvakṣaḥsthalasthitāṃ || 2 ||
[Analyze grammar]

tvaṃ siddhistvaṃ svadhā svāhā sudhā tvaṃ lokapāvani |
sandhyā rātriḥ prabhā bhūtirmmedhā śraddhā sarasvatī || 3 ||
[Analyze grammar]

yajñavidyā mahāvidyā guhyavidyā ca śobhane |
ātmavidyā ca devi tvaṃ vimuktiphaladāyinī || 4 ||
[Analyze grammar]

ānvīkṣikī trayī vārttā daṇḍanītistvameva ca |
saumyā saumyairjagadrūpaistvayaitaddevi pūritaṃ || 5 ||
[Analyze grammar]

kā tvanyā tvāmṛte devi sarvayajñamayaṃ vapuḥ |
adhyāste deva devasya yogicintyaṃ gadābhṛtaḥ || 6 ||
[Analyze grammar]

tvayā devi parityaktaṃ sakalaṃ bhuvanatrayaṃ |
vinaṣṭaprāyamabhavat tvayedānīṃ samedhitaṃ || 7 ||
[Analyze grammar]

dārāḥ putrāstathāgāraṃ suhṛddhānyaghanādikaṃ |
bhavatyetanmahābhāgo nityaṃ tvadvīkṣaṇān nṛṇāṃ || 8 ||
[Analyze grammar]

śarīrārogyamaiśvaryamaripakṣakṣayaḥ sukhaṃ |
devi tvaddṛṣṭidṛṣṭānāṃ puruṣāṇāṃ na durllabhaṃ || 9 ||
[Analyze grammar]

tvamambā sarvabhūtānāṃ devadevo hariḥ pitā |
tvayaitadviṣṇunā cāmba jagadvyāptaṃ carācaraṃ || 10 ||
[Analyze grammar]

mānaṃ koṣaṃ tathā koṣṭhaṃ mā gṛhaṃ mā paricchadaṃ |
mā śarīraṃ kalatrañca tyajethāḥ sarvvapāvani || 11 ||
[Analyze grammar]

mā putrānmāsuhṛdvargānmā paśūnmā vibhūṣaṇaṃ |
mama devasya viṣṇorvakṣaḥsthalālaye || 12 ||
[Analyze grammar]

sattvena satyaśaucābhyāṃ tathā śīlādibhirguṇaiḥ |
tyajyante te narā sadyaḥ santyaktā ye tvayāmale || 13 ||
[Analyze grammar]

tvayāvalokitāḥ sadyaḥ śīlādyairakhilairguṇeḥ |
kulaiśvaryyaiśca yujyante puruṣā nirgaṇā api || 14 ||
[Analyze grammar]

saślāghyaḥ sa guṇī dhanyaḥ sa kulīnaḥ sa buddhimān |
sa śūraḥ sa ca vikrānto yastvayā devi vīkṣitaḥ || 15 ||
[Analyze grammar]

sadyo vaiguṇyamāyānti śīlādyāḥ sakalā guṇāḥ |
parāmuṅmukhī jagaddhātrī yasya tvaṃ viṣṇuvallabhe || 16 ||
[Analyze grammar]

na te varṇayituṃ śaktā guṇān jihvāpi vedhasaḥ |
prasīda devi padmākṣi nāsmāṃstyākṣaīḥ kadācana || 17 ||
[Analyze grammar]

puṣkara uvāca |
evaṃ stutā dadau śrīśca varamindrāya cepsitaṃ |
susthiratvaṃ carājyasya saṅgrāmavijayādikaṃ || 18 ||
[Analyze grammar]

svastotrapāṭhaśravaṇakartṝṇāṃ bhuktimuktidaṃ |
śrīstotraṃ tasmāt paṭhecca śrṛṇuyānnaraḥ || 19 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 237

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!