Chapter 157

[English text for this chapter is available]

śāvāśaucādiḥ |
puṣkara uvāca |
pretaśuddhiṃ pravakṣyāmi sūtikāśudhhimeva ca |
daśāhaṃ śāvamāśaucaṃ sapiṇdeṣu vidhīyate || 1 ||
[Analyze grammar]

janane ca tathā śuddhirbrāhmaṇānāṃ bhṛgūttama |
dvādaśāhena rājanyaḥ pakṣādvaiśyo'tha māsataḥ || 2 ||
[Analyze grammar]

śūdro'nulomato dāse svāmitulyantvaśaucakaṃ |
ṣaṭbhistribhirathaikena kṣatraviṭśūdrayoniṣu || 3 ||
[Analyze grammar]

brāhmaṇaḥ śuddhimāpnoti kṣatriyastu tathaiva ca |
viṭśūdrayoneḥ śuddhiḥ syātkramātparaśurāmaka || 4 ||
[Analyze grammar]

ṣaḍrātreṇa trirātreṇa ṣaḍbhiḥ śūdre tathā viśaḥ |
ādantajananātsadya ācūḍānnaiśikī śrutiḥ || 5 ||
[Analyze grammar]

trirātramāvratādeśāddaśarātramataḥ paraṃ |
ūnatraivārṣike śūdre pañcāhācchuddhiriṣyate || 6 ||
[Analyze grammar]

dvādaśāhene śuddhiḥ syādatīte vatsaratraye |
gataiḥ saṃvatsaraiḥ ṣaḍbhiḥ śuddhirmāsena kīrtitā || 7 ||
[Analyze grammar]

strīṇāmakṛtacūḍānāṃ viśuddhirnaiśikī smṛtā |
tathā ca kṛtacuḍānāṃ tryahācchuddhyanti bāndhavāḥ || 8 ||
[Analyze grammar]

vivāhitāsu nāśaucaṃ pitṛpakṣe vidhīyate |
piturgṛhe prasūtānāṃ viśuddhirnaiśikī smṛtā || 9 ||
[Analyze grammar]

sūtikā daśarātreṇa śuddhimāpnoti nānyathā |
vivāhitā hi cetkanyā mriyate pitṛveśmani || 10 ||
[Analyze grammar]

tasyāstrirātrācchuddhyanti bāndhavā nātra saṃśayaḥ |
samānaṃ labdhaśaucantu prathamena samāpayet || 11 ||
[Analyze grammar]

asamānaṃ dvitīyena dharmarājavaco yathā |
deśāntarasthaḥ śrutvā tu kulyāṇāṃ maraṇodbhavau || 12 ||
[Analyze grammar]

yaccheṣaṃ daśarātrasya tāvadevaśucirbhavet |
atīte daśarātre tu trirātramaśucirbhavet || 13 ||
[Analyze grammar]

tathā saṃvatsare'tīte snāta eva viśuddhyati |
mātāmahe tathātīte ācārye ca tathā mṛte || 14 ||
[Analyze grammar]

rātribhirmāsatulyābhirgarbhasrāve viśodhanaṃ |
sapiṇḍe brāhmaṇe varṇāḥ sarva evāviśeṣataḥ || 15 ||
[Analyze grammar]

daśarātreṇa śuddhyanti dvādaśāhena bhūmipaḥ |
vaiśyāḥ pañcadaśāhena śūdrā māsena bhārgava || 16 ||
[Analyze grammar]

ucchiṣṭasannidhāvekaṃ tathā piṇḍaṃ nivedayet |
kīrtayecca tathā tasya namagotre samāhitaḥ || 17 ||
[Analyze grammar]

bhuktavatsu dvijendreṣu pūjiteṣu dhanena ca |
visṛṣṭākṣatatoyeṣu gotranāmānukīrtanaiḥ || 18 ||
[Analyze grammar]

caturaṅgulavistāraṃ tatkhātantāvadantaraṃ |
vitastidīrghaṃ kartavyaṃ vikarṣūṇāṃ tathā trayaṃ || 19 ||
[Analyze grammar]

vikarṣūṇāṃ samīpe ca jvālayejjvalanatrayaṃ |
somāya vahnaye rāma yamāya ca samāsataḥ || 20 ||
[Analyze grammar]

juhuyādāhutīḥ samyaksarvatraiva catustrayaḥ |
piṇḍanirvapaṇaṃ kuryātprāgvadeva pṛthakpṛthak || 21 ||
[Analyze grammar]

annena dadhnā madhunā tathā māṃsena pūrayet |
madhye cedadhimāsaḥ syātkuryādabhyadhikantu tat || 22 ||
[Analyze grammar]

athavā dvādaśāhena sarvametatsamāpayet |
saṃvatsarasya madhye ca yadi syādadhimāsakaḥ || 23 ||
[Analyze grammar]

tadā dvādaśake śrāddhe kāryaṃ tadadhikaṃ bhavet |
saṃvatsare samāpte tu śrāddhaṃ śrāddhavadācaret || 24 ||
[Analyze grammar]

pretāya tata ūrdhavaṃ ca tasyaiva puruṣatraye |
piṇḍān vinirvapettadvaccaturastu samāhitaḥ || 25 ||
[Analyze grammar]

sampūjya datvā pṛthivī samānā iti cāpyatha |
yojayetpretapiṇḍaṃ tu piṇḍeṣvanyeṣu bhārgava || 26 ||
[Analyze grammar]

pretapātraṃ ca pātreṣu tathaiva viniyojayet |
pṛthakpṛthakprakartavyaṃ karmaitatkarmapātrake || 27 ||
[Analyze grammar]

mantravarjamidaṃ karma śūdrasya tu vidhīyate |
sapiṇḍīkaraṇaṃ strīṇāṃ kāryamevaṃ tadā bhavet || 28 ||
[Analyze grammar]

śrāddhaṃ kuryācca pratyabdaṃ prete kumbhānnamabdakaṃ |
gaṅgāyāḥ sikatā dhārā yathā varṣati vāsave || 29 ||
[Analyze grammar]

śakyā gaṇayituṃ loke natvatītāḥ pitāmahāḥ |
kāle satatage sthairyaṃ nāsti tasmātkriyāṃ caret || 30 ||
[Analyze grammar]

devatve yātanāsthāne pretaḥ śrāddhaṃ kṛtaṃ labhet |
nopakuryānnaraḥ śocan pretasyātmana eva vā || 31 ||
[Analyze grammar]

bhṛgvagnipāśakāmbhobhirmṛtānāmātmaghātināṃ |
patitānāṃ ca nāśaucaṃ vidyucchastrahatāśca ye || 32 ||
[Analyze grammar]

yatibratibrahmacārinṛpakārukadīkṣitāḥ |
rājājñākāriṇo ye ca snāyādvai pretagāmyapi || 33 ||
[Analyze grammar]

maithune kaṭadhūme ca sadyaḥ snānaṃ vidhīyate |
dvijaṃ na nirharet pretaṃ śūdreṇa tu kathañcana || 34 ||
[Analyze grammar]

na ca śūdraṃ dvijenāpi tayordoṣo hi jāyate |
anāthaviprapretasya vahanātsvaragalokabhāk || 35 ||
[Analyze grammar]

saṅgrāme jayamāpnoti prete'nāthe ca kāṣṭhadaḥ |
saṅkalpya bāndhavaṃ pretamapasavyena tāṃ citiṃ || 36 ||
[Analyze grammar]

parikramya tataḥ snānaṃ kuryuḥ sarve savāsasaḥ |
pretāya ca tathā dadyustrīṃstrīṃścaivodakāñjalīn || 37 ||
[Analyze grammar]

dvāryaśmani padaṃ datvā praviśeyustathā gṛhaṃ |
akṣatānnikṣipedvahnau nimbapatraṃ vidaśya ca || 38 ||
[Analyze grammar]

pṛthakśayīran bhūmau ca krītalabdhāśano bhavet |
ekaḥ piṇdo daśāhe tu śmaśrukarmakaraḥ śuciḥ || 39 ||
[Analyze grammar]

siddhārthakaistilairvidvānmajjedvāsoparaṃ dadhat |
ajātadante tanaye śiśau garbhasrute tathā || 40 ||
[Analyze grammar]

kāryo naivāgnisaṃskāro naiva cāsyodakakriyā |
caturthe ca dinekāryastathāsthnāṃ caiva sañcayaḥ || 41 ||
[Analyze grammar]

asthisañcayanādūrdhvamaṅgasparśo vidhīyate || 42 ||
[Analyze grammar]