Chapter 121

[English text for this chapter is available]

agniruvāca |
jyotiḥśāstraṃ pravakṣyāmi śubhāśubhavivekadaṃ |
cāturlakṣasya sāraṃ yattajjñātvā sarvavidbhavet || 1 ||
[Analyze grammar]

ṣaḍaṣṭake vivāho na na ca dvidvādaśe striyāḥ |
na trikoṇe hyatha prītiḥ śeṣe ca samasaptake || 2 ||
[Analyze grammar]

dvidvādaśe trikoṇe ca maitrīkṣetrapayoryadi |
bhavedekādhipatyañca tārāprītirathāpi vā || 3 ||
[Analyze grammar]

tathāpi kāryaḥ saṃyogo na tu ṣaṭkāṣṭake punaḥ |
jīve bhṛgau cāstamite mriyate ca pumān striyā || 4 ||
[Analyze grammar]

gurukṣetragate sūrye sūryakṣetragate gurau |
vivāhaṃ na praśaṃsanti kanyāvaidhavyakṛdbhavet || 5 ||
[Analyze grammar]

aticāre tripakṣaṃ syādvakre māsacatuṣṭayaṃ |
vratodvāhau na kurvīta gurorvakrāticārayoḥ || 6 ||
[Analyze grammar]

caitre pauṣe na riktāsu harau supte kuje ravau |
candrakṣaye cāśubhaṃ syātsandhyākālaḥ śubhāvahaḥ || 7 ||
[Analyze grammar]

rohiṇī cottarā mūlaṃ svātī hasto'tha revatī |
tule na mithune śasto vivāhaḥ parikīrtitaḥ || 8 ||
[Analyze grammar]

vivāhe karṇabedhe ca vrate puṃsavane tathā |
prāśane cādyacūḍāyāṃ biddharkṣañca vivarjayet || 9 ||
[Analyze grammar]

śravaṇe mūlapuṣye ca sūryamaṅgalajīvake |
kumbhe siṃhe ca mithune karma puṃsavanaṃ smṛtaṃ || 10 ||
[Analyze grammar]

haste mūle mṛge pauṣṇe budhe śukre ca niṣkṛtiḥ |
arkendujīvabhṛguje mūle tāmbūlabhakṣaṇaṃ || 11 ||
[Analyze grammar]

annasya prāśanaṃ śukre jīve mṛge ca maunake |
hastādipañcake puṣpe kṛttikāditraye tathā || 12 ||
[Analyze grammar]

aśvinyāmatha revatyāṃ navānnaphalabhakṣaṇaṃ |
puṣpā hastā tathā jyeṣṭhā rohiṇī śravaṇāśvinau || 13 ||
[Analyze grammar]

svātisaumye ca bhaiṣajyaṃ kuryādanyatra varjayet |
pūrvātrayaṃ maghā yāmyaṃ pāvanaṃ śravaṇatrayaṃ || 14 ||
[Analyze grammar]

bhaumādityaśanervāre snātavyaṃ rogamuktitaḥ |
pārthive cāṣṭahrīṃkāraṃ madhye nāma ca dikṣu ca || 15 ||
[Analyze grammar]

hrīṃ puṭaṃ pārthive dikṣu hrīṃ vidikṣu likhedvasūn |
gorocanākuṅkumena bhūrje vastre gale dhṛtaṃ || 16 ||
[Analyze grammar]

śatravo vaśamāyānti mantreṇānena niścitaṃ |
śrīṃ hrīṃ sampuṭaṃ nāma śrīṃ hrīṃ patrāṣṭake kramāt || 17 ||
[Analyze grammar]

gorocanākuṅkumena bhurje'tha subhagāvṛte |
gomadhyavāgamaḥ patre haridrāyā rasena ca || 18 ||
[Analyze grammar]

śilāpaṭṭe'rīn stambhayati bhūmāvadhomukhīkṛṭaṃ |
oṃ hūṃ saḥ sampuṭannāma oṃ hūṃ saḥ patrāṣṭake kramāt || 19 ||
[Analyze grammar]

gorocanākuṅkumena bhūrje mṛtyunivāraṇaṃ |
ekapañcanavaprītyai dviṣatdvādaśayogakāḥ || 20 ||
[Analyze grammar]

trisaptaikādaśe lābho vedāṣṭadvādaśe ripuḥ |
tanurdhanañca sahajaḥ suhṛtsuto ripustathā || 21 ||
[Analyze grammar]

jāyā nidhanadharmau ca karmāyavyayakaṃ kramāt |
sphuṭaṃ meṣādilagneṣu navatārābalaṃ vadet || 22 ||
[Analyze grammar]

janma sampadvipatkṣemaṃ pratyariḥ sādhakaḥ kramāt |
nidhanaṃ mitrapramamitraṃ tārābalaṃ viduḥ || 23 ||
[Analyze grammar]

dhāre jñaguruśukrāṇāṃ sūryācandramasostathā |
māghādimasāṣaṭke tu kṣīramādyaṃ praśasyate || 24 ||
[Analyze grammar]

karṇabedho budhe jīve puṣye śravaṇacitrayoḥ |
pañcame'bde cādhyayanaṃ ṣaṣṭhīṃ pratipadantyajet || 25 ||
[Analyze grammar]

riktāṃ pañcadaśīṃ bhaumaṃ prārcya vāṇīṃ hariṃ śriyaṃ |
māghādimāsaṣatke tu makhalābandhanaṃ śubhaṃ || 26 ||
[Analyze grammar]

cūḍākaraṇakādyañca śravaṇādau na śasyate |
astaṃ yāte guro śukre kṣīṇe ca śaśalāñchane || 27 ||
[Analyze grammar]

upanītasya viprasya mṛtyuṃ jāḍyaṃ vinirdiśet |
kṣaurarkṣe śubhavāre ca samāvartanamiṣyate || 28 ||
[Analyze grammar]

śubhakṣetre vilagneṣu śubhayuktekṣiteṣu ca |
aśvinīmaghācitrāsu svātīyāmyottarāsu ca || 29 ||
[Analyze grammar]

punarvasau tathā puṣye dhanurvedaḥ praśasyate |
bharaṇyārdrā maghāśleṣā vahnibhagarkṣayostathā || 30 ||
[Analyze grammar]

jijīviṣurna kurvīta vastraprāvaraṇaṃ naraḥ |
gurau śukre budhe vastraṃ vivāhādau na bhādikaṃ || 31 ||
[Analyze grammar]

revatyaśvidhaniṣṭhāsu hastādiṣu ca pañcasu |
śaṅkhavidrumaratnānāṃ paridhānaṃ praśasyate || 32 ||
[Analyze grammar]

yāmyasarpadhaniṣṭhāsu triṣu pūrveṣu vāruṇe |
krītaṃ hānikaraṃ dravyaṃ vikrītaṃ lābhakṛdbhavet || 33 ||
[Analyze grammar]

aśvinīsvāticitrāsu revatyāṃ vāruṇe harau |
krītaṃ lābhakaraṃ dravayaṃ vikrītaṃ hānikṛdbhavet || 34 ||
[Analyze grammar]

bharaṇī trīṇi pūrvāṇi ārdrāśleṣā maghānilāḥ |
vahnijyeṣṭāviśākhāsu svāmino nopatiṣṭhate || 35 ||
[Analyze grammar]

dravyaṃ dattaṃ prayuktaṃ vā yatra nikṣipyate dhanaṃ |
uttare śravaṇe śākre kuryādrājābhiṣecanaṃ || 36 ||
[Analyze grammar]

caitraṃ jyeṣṭhaṃ tathā bhādramāśvinaṃ pauṣameva ca |
māghaṃ caiva parityajya śeṣamāse gṛhaṃ śubhaṃ || 37 ||
[Analyze grammar]

aśvinī rohiṇī mūlamuttarātrayamaindavaṃ |
svātī hastānurādhā ca gṛhārambhe praśasyate || 38 ||
[Analyze grammar]

ādityabhaumavarjantu vāpīprāsādake tathā |
siṃharāśigate jīve gurvāditye malimluce || 39 ||
[Analyze grammar]

bāle vṛddhe'stage śukre gṛhakarma vivarjayet |
agnidāho bhayaṃ rogo rājapīḍā dhanakṣatiḥ || 40 ||
[Analyze grammar]

saṅgrahe tṛṇakāṣṭhānāṃ kṛte śravaṇapañcake |
gṛhapraveśanaṃ kuryāddhaniṣṭhottaravāruṇe || 41 ||
[Analyze grammar]

naukāyā ghaṭane dvitripañcasaptatrayodaśī |
nṛpadarśī dhaniṣṭhāsu hastāpauṣṇāśvinīṣu ca || 42 ||
[Analyze grammar]

pūrvātrayandhaniṣṭhārdrā vahniḥ saumyaviśākhayoḥ |
aśleṣā cāśvinī caiva yātrāsiddhistu sampadā || 43 ||
[Analyze grammar]

triṣūttareṣu rohiṇyāṃ sinībālī caturdaśī |
śravaṇā caiva hastā ca citrā ca vaiṣṇavī tathā || 44 ||
[Analyze grammar]

goṣṭhayātrāṃ na kurvīta praveśaṃ naiva kārayet |
anilottararohiṇyāṃ mṛgamūlapunarvasau || 45 ||
[Analyze grammar]

puṣyaśravaṇahasteṣu kṛṣikarma samācaret |
punarvasūttarāsvātībhagamūlendravāruṇe || 46 ||
[Analyze grammar]

guroḥ śukrasya vāre vā vāre ca somabhāsvatoḥ |
vṛṣalagne ca kartavyaṅkanyāyāṃ mithune tathā || 47 ||
[Analyze grammar]

dvipañca daśamī sapta tṛtīyā ca trayodaśī |
revatīrohiṇīndrāgnihastamaitrottareṣu ca || 48 ||
[Analyze grammar]

mandāravarjaṃ vījāni vāpayetsampadarthyapi |
revatīhastamūleṣu śravaṇe bhagamaitrayoḥ || 49 ||
[Analyze grammar]

pitṛdaive tathā saumye dhānyacchedaṃ mṛgodaye |
hastacitrāditisvātau revatyāṃ śravaṇatraye || 50 ||
[Analyze grammar]

sthire lagne gurorvāre atha bhārgavasaumyayoḥ |
yāmyāditimaghājyeṣṭhāsūtareṣu praveśayet || 51 ||
[Analyze grammar]

oṃ dhanadāya sarvadhaneśāya dehi me dhanaṃ svāhā |
oṃ nave varṣe ilādevi lokasaṃvardhani kāmarūpiṇi dehi me dhanaṃ svāhā |
patrasthaṃ likhitaṃ dhānyarāśisthaṃ dhānyavardhanaṃ |
tripūrvāsu viśākhāyāṃ dhaniṣṭhāvāruṇe'pi ca || 52 ||
[Analyze grammar]

eteṣu ṣaṭsu vijñeyaṃ dhānyaniṣkramaṇaṃ budhaiḥ |
devatārāmavāpyādipratiṣṭhodaṅmukhe ravau || 53 ||
[Analyze grammar]

mithunasthe ravau darśādyādi syāddvādaśī tithiḥ |
sadā tatraiva kartavyaṃ śayanaṃ cakrapāṇinaḥ || 54 ||
[Analyze grammar]

siṃhatauliṅgate cārke darśādyadvādaśīdvayaṃ |
ādāvindrasamuptyānaṃ prabodhaśca hareḥ kramāt || 55 ||
[Analyze grammar]

tathā kanyāgate bhānau durgoptyāne tathāṣṭamī |
tripādeṣu ca ṛkṣeṣu yadā bhadrā tithirbhavet || 56 ||
[Analyze grammar]

bhaumādityaśanaiścāri vijñeyaṃ tattripuṣkaraṃ |
sarvakarmaṇyupādeyā viśuddhiścandratarayoḥ || 57 ||
[Analyze grammar]

janmāśritastriṣaṣṭhaśca saptamo daśamastathā |
ekādaśaḥ śaśī yeṣānteṣāmeva śubhaṃ vadet || 58 ||
[Analyze grammar]

śuklapakṣe dvītīyaśca pañcamo navamaḥ śubhaḥ |
mitrātimitrasādhakasapatkṣemāditārakāḥ || 59 ||
[Analyze grammar]

janmanā mṛtyumāpnoti vipadā dhanasaṅkṣayaṃ |
pratyarau maraṇaṃ vidyānnidhane yāti pañcatāṃ || 60 ||
[Analyze grammar]

kṛṣṇāṣṭamīdinādūrdhvaṃ yāvacchuklāṣṭamīdinaṃ |
tāvatkālaṃ śaśī kṣīṇaḥ pūrṇastatropari smṛtaḥ || 61 ||
[Analyze grammar]

vṛṣe ca mithune bhānau jīve candrendradaivate |
paurṇamāsī gurorvāre mahājyeṣṭhī prakīrtitā || 62 ||
[Analyze grammar]

aindre guruḥ śaśī caiva prājāpatye ravistathā |
pūrṇimā jyeṣṭhamāsasya mahājyaiṣṭhī prakīrtitā || 63 ||
[Analyze grammar]

svātyantare yantraniṣṭhe śakrasyotthāpayeddhvajaṃ |
haryṛkṣapāde cāśvinyāṃ saptāhānte visarjayet || 64 ||
[Analyze grammar]

sarvaṃ hemasamandānaṃ sarve brahmasamā dvijāḥ |
sarvaṃ gaṅgāsamantoyaṃ rāhugraste divākare || 65 ||
[Analyze grammar]

dhvāṅkṣī mahodarī ghorā mandā mandākinī dvijāḥ |
rākṣasī ca krameṇārkātsaṅkrāntirnāmabhiḥ smṛtā || 66 ||
[Analyze grammar]

bālave kaulave nāge taitile karaṇe yadi |
uttiṣṭhan saṅkramatyarkrastadā lokaḥ sukhī bhavet || 67 ||
[Analyze grammar]

gare vave vaṇigviṣṭau kintughne śakunau vrajet |
rājño doṣeṇa loko'yampīḍyate sampadā samaṃ || 68 ||
[Analyze grammar]

catuṣpādviṣṭivāṇijye śayitaḥ saṅkramedraviḥ |
durbhikṣaṃ rājasaṅgrāmo dampatyoḥ saṃśayo bhavet || 69 ||
[Analyze grammar]

ādhāne janmanakṣatre vyādhau kleśādikaṃ bhavet |
kṛttikāyānnavadinantrirātraṃ rohiṇīṣu ca || 70 ||
[Analyze grammar]

mṛgaśiraḥpañcarātraṃ ārdrāsu prāṇanāśanaṃ |
punarvasau ca puṣye ca saptarātraṃ vidhīyate || 71 ||
[Analyze grammar]

navarātraṃ tathāśleṣā śmaśānāntaṃ maghāsu ca |
dvau māsau pūrvaphālgunyāmuttarāsu tripañcakam || 72 ||
[Analyze grammar]

haste tu dṛśyate citrā ardhamāsantu pīḍanam |
māsadvayantathā svātirviśākhā viṃśatirdinaṃ || 73 ||
[Analyze grammar]

maitre caiva daśāhāni jyeṣṭhāsvevārdhamāsakam |
mūle na jāyate mokṣaḥ pūrvāṣāḍhā tripañcakam || 74 ||
[Analyze grammar]

uttarā dinaviṃśatyā dvau māsau śravaṇena ca |
dhaniṣṭhā cārdhamāsañca vāruṇe ca daśāhakam || 75 ||
[Analyze grammar]

na ca bhādrapade mokṣa uttarāsu tripañcakam |
revatī daśarātrañca ahorātrantathāśvinī || 76 ||
[Analyze grammar]

bharaṇyāṃ prāṇahāniḥ syādgāyatrīhomataḥ śubhaṃ |
pañcadhānyatilājyādyairdhenudānandvije śamaṃ || 77 ||
[Analyze grammar]

daśā sūryasya ṣaṣṭhābdā indoḥ pañcadaśaiva tu |
aṣṭau varṣāṇi bhaumasya daśasaptadaśā budhe || 78 ||
[Analyze grammar]

daśābdāni daśā paṅgorūnaviṃśadgurordṛśā |
rāhordvādaśavarṣāṇi bhārgavasyaikaviṃśatiḥ || 76 ||
[Analyze grammar]