Chapter 105

[English text for this chapter is available]

īśvara uvāca |
nagaragrāmadurgādyā gṛhaprāsādavṛddhaye || |
ekāśītipadairvastuṃ pūjayetsiddhaye dhruvaṃ || 1 ||
[Analyze grammar]

prāgāsyā daśadhā nāḍyāstāsāṃ nāmāni ca bruve |
śāntā yaśovatī kāntā viśālā prāṇavāhinī || 2 ||
[Analyze grammar]

satī vasumatī nandā subhadrātha manoramā |
uttarā dvādaśānyāśca ekāśītyaṅghrikārikā || 3 ||
[Analyze grammar]

hariṇī suprabhā lakṣmīrvibhūtirvimalā priyā |
jayā jvālā viśokā ca smṛtāstatrapādataḥ || 4 ||
[Analyze grammar]

īśādyaṣṭāṣṭakaṃ dikṣu yajedīśaṃ dhanañjayaṃ |
śakramarkaṃ tathā satyaṃ bhṛśaṃ vyoma ca pūrvataḥ || 5 ||
[Analyze grammar]

havyavāhañca pūrvāṇi vitathaṃ bhaumameva ca |
kṛtāntamatha gandharvaṃ bhṛgaṃ mṛgañca dakṣiṇe || 6 ||
[Analyze grammar]

pitaraṃ dvārapālañca sugrīvaṃ puṣpadantakaṃ |
varuṇaṃ daityaśeṣau ca yakṣmāṇaṃ paścime sadā || 7 ||
[Analyze grammar]

rogāhimukhyo bhallāṭaḥ saubhāgyamaditirditiḥ |
navāntaḥ padago brahmā pūjyordhe ca ṣaḍaṅghigāḥ || 8 ||
[Analyze grammar]

brahmeśāntarakoṣṭhastha māyākhyāntu paddvaye |
tadadhaścāpavatsākhyaṃ kendrantareṣu ṣaṭpade || 9 ||
[Analyze grammar]

| |
marīcikāgnimadhye tu savitā dvipadasthitaḥ |
sāvitrī tadadho dvyaṃśe vivasvān ṣaṭpade tvadhaḥ || 10 ||
[Analyze grammar]

pitṛbrahmāntare viṣṇumindumindraṃ tvadho jayaṃ |
varuṇabrahmaṇormadhye mitrākhyaṃ ṣaṭpade yajet || 11 ||
[Analyze grammar]

rogabrahmāntare nityaṃ dvipañca rudradāsakam |
tadadho dvyaṅghrigaṃ yakṣma ṣaṭsaumyeṣu dharādharaṃ || 12 ||
[Analyze grammar]

carakīṃ skandavikaṭaṃ vidārīṃ pūtanāṃ kramāt |
jammaṃ pāpaṃ pilipicchaṃ yajedīśādivāhyataḥ || 13 ||
[Analyze grammar]

ekāśīpadaṃ veśma maṇḍapaśca śatāṅghrikaḥ |
pūrvavaddevatāḥ pūjyā brahmā tu ṣoḍaśāṃśake || 14 ||
[Analyze grammar]

marīciśca vivasvāṃśca mitraṃ pṛthvīdharastathā |
daśakoṣṭhasthitā dikṣu tvanye beśādikoṇagāḥ || 15 ||
[Analyze grammar]

daityamātā tatheśāgnī mṛgākhyau pitarau tathā |
pāpayakṣmānilau devāḥ sarve sārdhāṃśake sthitāḥ || 16 ||
[Analyze grammar]

yatpādyokaḥ pravakṣyāmi saṅkṣepeṇa kramādguha || |
sadigviṃśatkarairdairghyādaṣṭāviṃśati vistarāt || 17 ||
[Analyze grammar]

śiśirāśrayaḥ śivākhyaśca rudrahīnaḥ sadobhayoḥ |
rudradviguṇitā nāhāḥ pṛthuṣṇobhirvinā tribhiḥ || 18 ||
[Analyze grammar]

syādgrahadviguṇaṃ dairghyāttithibhiścaiva vistarāt |
sāvitraḥ sālayaḥ kuḍyā anyeṣāṃ pṛthakstriṃśāṃśataḥ || 19 ||
[Analyze grammar]

kuḍyapṛthupajaṅghoccātkuḍyantu triguṇocchayaṃ |
kuḍyasūtrasamā pṛthvī vīthī bhedādanekadhā || 20 ||
[Analyze grammar]

bhadre tulyañca vīthībhirdvāravīthī vināgrataḥ |
śrījayaṃ pṛṣṭhato hīnaṃ bhadroyaṃ pārśvayorvinā || 21 ||
[Analyze grammar]

garbhapṛthusamā vīthī tadardhārdhena vā kvacit |
vīthyardhenopavīthyādyamekadvitripurānvitam || 22 ||
[Analyze grammar]

sāmānyānātha gṛhaṃ vakṣye sarveṣāṃ sarvakāmadaṃ |
ekadvitricatuḥśālamaṣṭaśālaṃ yathākramāt || 23 ||
[Analyze grammar]

ekaṃ yāmye ca saumāsyaṃ dve cetpaścātpuromukham |
catuḥśālantu sāmmukhyāttayorindrendramuktayoḥ || 24 ||
[Analyze grammar]

śivāsyamambupāsyaiṣa indrāsye yamasūryakaṃ || |
prāksaumyasthe ca daṇdākhyaṃ prāgyāmye vātasañjñakaṃ || 25 ||
[Analyze grammar]

āpyendau gṛhavalyākhyaṃ triśūlaṃ tadvinardhikṛt |
pūrvaśalāvihīnaṃ syātsukṣetraṃ vṛddhidāyakaṃ || 26 ||
[Analyze grammar]

yāmye hīne bhavecchūlī triśālaṃ vṛddhikṛtparaṃ |
yakṣaghnaṃ jalahīnaukaḥ sutaghnaṃ bahuśatrukṛt || 27 ||
[Analyze grammar]

| |
indrādikramato vacmi dhvajādyaṣṭau gṛhāṇyahaṃ |
prakṣālānusragāvāsamagnau tasya mahānasaṃ || 28 ||
[Analyze grammar]

yāmye rasakriyā śayyā dhanuḥśastrāṇi rakṣasi |
dhanamuktyamvupeśākhye samyagandhau ca mārute || 29 ||
[Analyze grammar]

saumye dhanapaśū kuryādīśe dīkṣāvarālayaṃ |
svāmihastamitaṃ veśma vistārāyāmapiṇḍikaṃ || 30 ||
[Analyze grammar]

triguṇaṃ hastasaṃyuktaṃ kṛtvāṣṭāṃśaihṛtaṃ tathā |
taccheṣoyaṃ sthitastena vāyasāntaṃ dhvajādikaṃ || 31 ||
[Analyze grammar]

trayaḥ pakṣāgnivedeṣu rasarṣivasuto bhavet |
sarvanāśakaraṃ veśma madhye cānte ca saṃsthitaṃ || 32 ||
[Analyze grammar]

tasmācca navame bhāge śubhakṛnnilayo mataḥ |
tanmadhe maṇḍapaḥ śastaḥ samo vā dviguṇāyataḥ || 33 ||
[Analyze grammar]

pratyagāpye cenduyame haṭṭa eva gṛhāvalī |
ekaikabhavanākhyāni dikṣvaṣṭāṣṭakasaṅkhyayā || 34 ||
[Analyze grammar]

īśādyaditikāntāni phalānyeṣāṃ yathākramaṃ |
bhayaṃ nārī calatvaṃ ca jayo vṛddhiḥ pratāpakaḥ || 35 ||
[Analyze grammar]

| |
dharmaḥ kaliśca naisvyañca prāgdvāreṣvaṣṭasu dhruvaṃ |
dāho'sukhaṃ suhṛnnāśo dhananāśo mṛtirdhanaṃ || 36 ||
[Analyze grammar]

śilpitvaṃ tanayaḥ syācca yāmyadvāraphalāṣṭakam |
āyuḥprāvrājyaśasyāni dhanaśāntyarthasaṅkṣayāḥ || 37 ||
[Analyze grammar]

śoṣaṃ bhogaṃ cāpatyañca jaladvāraphalāni ca |
rogo madārtimukhyatvaṃ cārthāyuḥ kṛśatā matiḥ || 38 ||
[Analyze grammar]