Chapter 79

[English text for this chapter is available]

īśvara uvāca |
atha prātaḥ samutthāya kṛtasnānaḥ samāhitaḥ |
kṛtasandhyārcano mantrī pravīsya makhamaṇḍapam || 1 ||
[Analyze grammar]

samādāya pavitrāṇi avisarjitadaivataḥ |
aiśānyāṃ bhājane śuddhe sthāpayet kṛtamaṇḍale || 2 ||
[Analyze grammar]

tato visarjya deveśaṃ nirmmālyamapanīya ca |
pūrvavad bhūtale śuddhe kṛtvāhni kamatha dvayam || 3 ||
[Analyze grammar]

ādityadvāradikpālakumbheśānau śive'nale |
naimittikīṃ savistārāṃ kuryyāt pūjāṃ viśeṣataḥ || 4 ||
[Analyze grammar]

mantrāṇāṃ tarpaṇaṃ prāyaścittahomaṃ śarātmanā |
aṣṭottaraśataṃ kṛtvā dadyāt pūrṇāhutiṃ śanaiḥ || 5 ||
[Analyze grammar]

pavitraṃ bhānave datvā samācamya dadīta ca |
dvārapālādidikpālakumbhavarddhanikādiṣu || 6 ||
[Analyze grammar]

sannidhāne tataḥ śambhorupaviśya nijāsane |
pavitramātmane dadyād gaṇāya guruvahnaye || 7 ||
[Analyze grammar]

oṃ kālātmanā tvayā deva yaddiṣṭaṃ māmake vidhau |
kṛtaṃ kliṣṭaṃ samutsṛṣṭaṃ kṛtaṃ guptañca yat kṛtaṃ || 8 ||
[Analyze grammar]

tadastu kliṣṭamakliṣṭaṃ kṛtaṃ kliṣṭamasaṃskṛtam |
sarvātmanā'munā śambho pavitreṇa tvadicchayā || 9 ||
[Analyze grammar]

oṃ pūrayamakhavrataṃ niyameśvarāya svāhā |
ātmatattve prakṛtyante pālite padmayoninā || 10 ||
[Analyze grammar]

mūlaṃ layāntamuccāryya pavitreṇārccayecchivam |
vidyātattve ca vidyānte viṣṇukāraṇapālite || 11 ||
[Analyze grammar]

īśvarāntaṃ samuccāryya pavitramadhiropayet |
śivānte śivatattve ca rudrakāraṇapālite || 12 ||
[Analyze grammar]

śivāntaṃ mantramuccāryya tasmai devaṃ pavitrakam |
sarvakāraṇapāleṣu śivamuccarya suvrata || 13 ||
[Analyze grammar]

mūlaṃ layāntamuccārya dadyād gaṅgāvatārakam |
ātmavidyāśivaiḥ proktaṃ mumukṣūṇāṃ pavitrakam || 14 ||
[Analyze grammar]

vinirdiṣṭaṃ bubhukṣūṇāṃ śivatattvātmabhiḥ kramāt |
svāhāntaṃ vā namo'ntaṃ vā mantrameṣāmudīrayet || 15 ||
[Analyze grammar]

oṃ hāṃ ātmatattvādhipataye śivāya svāhā |
oṃ hāṃ vidyātattvādhipataye śivāya svāhā |
oṃ hauṃ śivatattvādhipataye śivāya svāhā |
natvā gaṅgāvatārantu prārthayettaṃ kṛtāñjaliḥ |
tvaṅgatiḥ sarvvabhūtānāṃ saṃsthitastvañcarācare || 16 ||
[Analyze grammar]

antaścāreṇa bhūtānā draṣṭā tvaṃ parameśvara |
karmaṇā manasā vācā tvatto nānyā gatirmmama |
mantrahīnaṃ kriyāhīnaṃ dravyahīnañca yat kṛtam |
japahomārccanairhīnaṃ kṛtaṃ nityaṃ mayā tava || 18 ||
[Analyze grammar]

akṛtaṃ vākyahīnaṃ ca tat pūraya maheśvara |
sapūtatvaṃ pareśāna pavitraṃ pāpanāśanam || 19 ||
[Analyze grammar]

tvayā pavitritaṃ sarva jagat sthāvarajaṅgamam |
khaṇḍitaṃ yanmayā deva vrataṃ vaikalpayogataḥ || 20 ||
[Analyze grammar]

ekībhavatu tat sarvaṃ tavājñāsūtragumphitam |
japaṃ nivedya devasya bhaktyā stotraṃ vidhāya ca || 21 ||
[Analyze grammar]

natvā tu guruṇādiṣṭaṃ gṛhṇīyānniyamannaraḥ |
caturmmāsaṃ trimāsaṃ vā tryahamekāhameva ca || 22 ||
[Analyze grammar]

praṇamya kṣamayitveśaṃ gatvā kuṇḍāntikaṃ vratī |
pāvalakasthe śive'pyevaṃ pavitrāṇāṃ catuṣṭayam || 23 ||
[Analyze grammar]

samāropya samabhyarccya puṣpadhūpākṣatādibhiḥ |
antarbaliṃ pavitrañca rudradibhyo nivedayet || 24 ||
[Analyze grammar]

praviśyāntaḥ śivaṃ stutvā sapraṇāmaṃ kṣamāpayet |
prāyaścittakṛtaṃ homaṃ kṛtvā hutvā ca pāyasaṃ || 25 ||
[Analyze grammar]

śanaiḥ pūrṇāhutiṃ datvā vahnisthaṃ visṛjecchivaṃ |
homaṃ vyāhṛtimiḥ kṛtvā rundhyānniṣṭhurayā'nalaṃ || 26 ||
[Analyze grammar]

agnyādibhyastato dadyādāhutīnāṃ catuṣṭayaṃ |
dikpatibhyastato dadyāt sapavitraṃ bahirbaliṃ || 27 ||
[Analyze grammar]

siddhāntapustake dadyāt sapramāṇaṃ pavitrakaṃ |
oṃ hāṃ bhūḥ svāhā | oṃ hāṃ bhuvaḥ svāhā |
oṃ hāṃ svaḥ svāhā | oṃ hāṃ bhurbhuvaḥ svaḥ svāhā |
homaṃ vyāhṛtibhiḥ kṛtvā datvā'huticatuṣṭayaṃ || 28 ||
[Analyze grammar]

oṃ hāṃ agnaye svāhā | oṃ hāṃ somāya svāhā |
oṃ hāṃ agnīṣomābhyāṃ svāhā |
oṃ hāṃ agnaye sviṣṭakṛte svāhā |
guruṃ śivamivābhyarcya vastrabhūṣādivistaraiḥ |
samagnaṃ saphalaṃ tasya kriyākāṇḍādi vārṣikaṃ |
yasya tuṣṭo guruḥ samyagityāha parameśvaraḥ |
itthaṃ guroḥ samāropya hṛdālambipavitrakaṃ || 30 ||
[Analyze grammar]

dvijādīn bhojayitvā tu bhaktyā vastrādikaṃ dadet |
dānenānena deveśa prīyatāṃ me sadāśivaḥ || 31 ||
[Analyze grammar]

bhaktyā snānādikaṃ prātaḥ kṛtvā śambhoḥ samāharet |
pavitrāṇyaṣṭapuṣpaistaṃ pūjayitvā visarjjayet || 32 ||
[Analyze grammar]

nityaṃ naimittikaṃ kṛtvā vistareṇa yathā purā |
pavitrāṇi samāropya praṇamyāgnau śivaṃ yajet || 33 ||
[Analyze grammar]

prāyaścittaṃ tato'streṇa hutvā pūrṇāhutiṃ yajet |
bhuktikāmaḥ śivāyātha kuryyāt karmmasamarpaṇaṃ || 34 ||
[Analyze grammar]

tvatprasādena karmmedaṃ mamāstu phalasādhakaṃ |
muktikāmastu karmmedaṃ mā'stu me nātha bandhakaṃ || 35 ||
[Analyze grammar]

vahnisthaṃ nāḍīyogena śivaṃ saṃyojayecchive |
hṛdi nyasyāgnisaṅghātaṃ pāvakaṃ ca visarjayet || 36 ||
[Analyze grammar]

samācamya praviśyāntaḥ kumbhānugatasaṃvarān |
śive saṃyojya sākṣepaṃ kṣamasveti visarjayet || 37 ||
[Analyze grammar]

visṛjya lokapālādīnādāyeśāt pavitrakaṃ |
sati caṇḍeśvare pūjāṃ kṛtvā datvā pavitrakaṃ || 38 ||
[Analyze grammar]

tannirmālyādikaṃ tasmai sapavitraṃ samarpayet |
athavā sthaṇḍile caṇḍaṃ vidhinā pūrvavadyajet || 39 ||
[Analyze grammar]

yat kiñcidvārṣikaṃ karmma kṛtaṃ nyūnādhikaṃ mayā |
tadastu paripūrṇaṃ me caṇḍa nātha tavājñayā || 40 ||
[Analyze grammar]

iti vijñāpya deveśaṃ natvā stutvā visarjayet |
tyaktanirmmālyakaḥ śuddhaḥ snāpayitvā śivaṃ yajet |
pañcayojanasaṃstho'pi pavitraṃ surusannidhau || 41 ||
[Analyze grammar]