Chapter 56

[English text for this chapter is available]

bhagavānuvāca |
pratiṣṭhāpañcakaṃ vakṣye pratimātmā tu pūruṣaḥ |
piṇḍikā lakṣmīḥ pratiṣṭhā yogakastayoḥ || 1 ||
[Analyze grammar]

icchāphalārthibhistasmātpratiṣṭhā kriyate naraiḥ |
garbhasūtraṃ tu niḥ sārya prāsādasyāgrato guruḥ || 2 ||
[Analyze grammar]

aṣṭaṣoḍaśaviṃśāntaṃ maṇḍapañcādhamādikam |
snānārthaṃ kalaśārthañca yāgadravyārthamarddhataḥ || 3 ||
[Analyze grammar]

tribhāgeṇārddhabhāgena vediṃ kuryāttu śobhanām |
kalaśairghaṭikābhiśca vitānādyaiśca bhūṣayet || 4 ||
[Analyze grammar]

pañcagavyena samprokṣya sarvadravyāṇi dhārayet |
alaṅkṛto gururviṣṇuṃ dhyātvātmānaṃ prapūjayet || 5 ||
[Analyze grammar]

aṅgulīyaprabhṛtibhirmūttipān valayādibhiḥ |
kuṇḍe kuṇḍe sthāpayecca mūrttipāṃstatra pāragān || 6 ||
[Analyze grammar]

catuṣkoṇe cārddhakoṇe vartule padmasannibheḥ |
pūrvādau toraṇārthantu pippaloḍumbarau vaṭam || 7 ||
[Analyze grammar]

plakṣaṃ suśobhanaṃ pūrvaṃ subhadrandakṣatoraṇam |
sukarma ca suhotrañca āpye saumye samucchayam || 8 ||
[Analyze grammar]

pañcahastaṃ tu saṃsthāpya syonāpṛthvīti pūjayet |
toraṇastambhamūle tu kalaśānmaṅgalāṅkuśan || 9 ||
[Analyze grammar]

pradadyādupariṣṭācca kuryyāccakraṃ sudarśanam |
pañcahastapramāṇantu dhvajaṃ kuryyādvicakṣaṇaḥ || 10 ||
[Analyze grammar]

vaipulyaṃ cāsya kurvīta ṣoḍaśāṅgulasammitam |
saptahastocchitaṃ vāsya kuryyāt kuṇḍaṃ surottama || 11 ||
[Analyze grammar]

aruṇogninibhaścaiva kṛṣṇaḥ śuklotha pītakaḥ |
raktavarṇastathā śvetaḥ śvetavarṇādikakramāt || 12 ||
[Analyze grammar]

kumudaḥ kumudākṣaśca puṇḍarīkotha vāmanaḥ |
śaṅkukarṇaḥ sarvvanetraḥ sumukhaḥ supratiṣṭhitaḥ || 13 ||
[Analyze grammar]

pūjyā koṭiguṇairyuktāḥ pūrvvādyā dhvajadevatāḥ |
jalāḍhakasupūrāstu pakkavimbopamā ghaṭāḥ || 14 ||
[Analyze grammar]

aṣṭaviṃśādhikaśataṃ kālamaṇḍanavarjitāḥ |
sahiraṇyā vastrakaṇṭhāḥ sodakāstoraṇād bahiḥ || 15 ||
[Analyze grammar]

ghaṭāḥ sthāpyāśca pūrvādau vedikāyāśca koṇagān |
caturaḥ sthāpayet kumbhānājighne ti camantrataḥ || 16 ||
[Analyze grammar]

kumbheṣvāvāhya śakrādīn pūrvādau pūjayet kramāt |
indrāgaccha devarāja vajrahasta gajasthitā || 17 ||
[Analyze grammar]

pūrvadvārañca me rakṣa devaiḥ saha namostu te |
trātāramindramantreṇa arcayitvā yajed budhaḥ || 18 ||
[Analyze grammar]

āgacchāgre śaktiyuta chāgastha balasaṃyuta |
rakṣāgneyīṃ diśaṃ devaiḥ pūjāṃ gṛhṇa namostu te || 19 ||
[Analyze grammar]

agnirmūrddhetimantreṇa yajedvā agnaye namaḥ |
mahiṣastha yamāgaccha paṇḍahasta mahābala || 20 ||
[Analyze grammar]

rakṣa tvaṃ dakṣiṇadvāraṃ vaivasvata namostu te |
vaivasvataṃ saṅgamanabhityanena yajedyamam || 21 ||
[Analyze grammar]

nairṛ tāgaccha khaṅgāḍhya balavāhanasaṃyuta |
idamarghyamidaṃ pādyaṃ rakṣa tvaṃ nairṛtīṃ diśam || 22 ||
[Analyze grammar]

eṣa te nairṛte mantreṇa yajedarghyādibhirnaraḥ |
makarārūḍha varuṇa pāśahasta mahābala || 23 ||
[Analyze grammar]

āgaccha paścimaṃ dvāraṃ rakṣa rakṣa namostu te |
uruṃ hi rājā varuṇaṃ yajedarghyādibhirguruḥ || 24 ||
[Analyze grammar]

āgccha vāyo sabala dhvajahasta savāhana |
vāyavyaṃ rakṣa devaistvaṃ samarudbhirnamostu te || 25 ||
[Analyze grammar]

vāta ityādibhiścārcedonnamo vāyavepi vā |
agaccha soma sabala gadāhasta savāhana || 26 ||
[Analyze grammar]

rakṣa tvamuttaradvāraṃ sakuvera namostu te |
somaṃ rājānamiti vā yajetsomāya vai namaḥ || 27 ||
[Analyze grammar]

āgaccheśāna sabala śūlahasta vṛṣasthita |
yajñamaṇḍapasyaiśānīṃ diśaṃ rakṣa namostu te || 28 ||
[Analyze grammar]

īśānamasyeti yajedīśānāya namo'pi vā |
brahmannāgaccha haṃsasya sruksruvavyagrahastaka || 29 ||
[Analyze grammar]

salokodrdhvāṃ diśaṃ rakṣa yajñasyāja namostu te |
hiraṇyagarbheti yajennamaste brahmaṇepi vā || 30 ||
[Analyze grammar]

anantāgaccha cakrāḍhya kūrmmasthāhigaṇeśvara |
adhodiśaṃ rakṣa rakṣa ananteśa namostu te || 31 ||
[Analyze grammar]

namostu sarpeti yajedanantāya namopi vā || 32 ||
[Analyze grammar]