Chapter 54

[English text for this chapter is available]

bhagavānuvāca |
vakṣyāmyanyaprakāreṇa liṅgamānādikaṃ śrṛṇu |
vakṣye lavaṇajaṃ liṅgaṃ ghṛtajaṃ buddhivarddhanam || 1 ||
[Analyze grammar]

bhūtaye vastraliṅgantu liṅgantātkālikaṃ viduḥ |
pakkāpakvaṃ mṛṇmayaṃ syādapakkāt pakkjaṃ varam || 2 ||
[Analyze grammar]

tato dārumayaṃ puṇyaṃ dārujāt śailajaṃ varam |
śailādvaraṃ tu muktājaṃ tato lauhaṃ suvarṇajam || 3 ||
[Analyze grammar]

rājataṃ kīrttitaṃ tāmraṃ paittalaṃ bhuktimuktidam |
raṅgajaṃ rasaliṅgañca bhuktimuktipradaṃ varam || 4 ||
[Analyze grammar]

rasajaṃ rasalohādiratnagarbhantu vardhayet |
mānādi neṣṭaṃ siddhādi sthāpitetha svayambhuvi || 5 ||
[Analyze grammar]

vāme ca svecchayā teṣāṃ pīṭhaprāsādakalpanā |
pūjayet sūryyavimbasthaṃ darpaṇe prativimbitam || 6 ||
[Analyze grammar]

pūjyo harastu sarvatra liṅge pūrṇārccanaṃ bhavet |
hastottaravidhaṃ śailaṃ dārujaṃ tadvadeva hi || 7 ||
[Analyze grammar]

calamaṅgulamānena dvāragarbhakaraiḥ sthitam |
aṅgulād gṛhaliṅgaṃ syādyāvat pañcadaśāṅgulam || 8 ||
[Analyze grammar]

dvāramānāt trisaṅkhyākaṃ navadhā garbhamānataḥ |
navadhā garbhamānena liṅgandhāmni ca pūjayet || 9 ||
[Analyze grammar]

evaṃ liṅgāni ṣaṭtriṃśat jñeyāni jyeṣṭhamānataḥ |
madhyamānena ṣaṭtriṃśat ṣaṭtriśadadhamena ca || 10 ||
[Analyze grammar]

itthamaikyena liṅgānāṃ śatamaṣṭottaraṃ bhavet |
ekāṅgulādipañcāntaṃ kanyasañcalamucyate || 11 ||
[Analyze grammar]

ṣaḍādidaśaparyantañcalaṃ liṅgañca madhyamam |
ekādaśāṅgulādi syāt jyeṣṭhaṃ pañcadaśāntakam || 12 ||
[Analyze grammar]

ṣaḍaṅgulaṃ mahāratnai ratnairanyairnnavāṅgulam |
ravibhirhemabhārotthaṃ liṅgaṃ śeṣaistripañcabhiḥ || 13 ||
[Analyze grammar]

ṣoḍaśāṃśe ca vedāṃśe yugaṃ luptvordhvadeśataḥ |
dvātriṃśatṣoḍaśāṃśāṃśca koṇayostu vilopayet || 14 ||
[Analyze grammar]

caturniveśanāt kaṇṭho viṃśatistriyugaistathā |
pārśvābhyāṃ tu viluptābhyāṃ calaliṅgaṃ bhavedvaram || 15 ||
[Analyze grammar]

dhāmno yugarttunāgāṃśairdvāraṃ hīnāditaḥ kramāt |
liṅgadvārocchayādarvāg bhavet pādonataḥ kramāt || 16 ||
[Analyze grammar]

garbhārddhenādhama liṅgaṃ bhūtāṃśaiḥ syāt tribhirvaram |
tayormadhye ca sūtrāṇi sapta sampātayet samam || 17 ||
[Analyze grammar]

evaṃ syurnava sūtrāṇi bhūtasūtraiśca madhyamam |
dvyantaro vāmavāmaśca liṅganāṃ dīrghatā nava || 18 ||
[Analyze grammar]

hastādvivarddhate hasto yāvatsyurnnava pāṇayaḥ |
hīnamadhyottamaṃ liṅgaṃ trividhaṃ trividhātmakam || 19 ||
[Analyze grammar]

ekaikaliṅgamadyeṣu trīṇī ca pādaśaḥ |
liṅgāni ghaṭayeddhīmān ṣaṭasu cāśṭottareṣu ca || 20 ||
[Analyze grammar]

sthiradīrghaprameyāttu dvāragarbhakarātmikā |
bhāgeśañcāpyamīśañca devejyantulyasaṃjñitam || 21 ||
[Analyze grammar]

catvāri liṅgarupāṇi viṣkambeṇa tu lakṣayet |
dīrghamāyānvitaṃ kṛtvā liṅgaṃ kuryyāt trirūpakam || 22 ||
[Analyze grammar]

caturaṣṭāṣṭavṛttañca tattavatrayaguṇātmakam |
liṅgānāmīpsitaṃ dairdhyaṃ tena kṛtvā ṅgulāni vai || 23 ||
[Analyze grammar]

dhvajādyāyaiḥ surairbhūtaiḥ śikhibhirvvā haret kṛtim |
tānyaṅgulāni caccheṣaṃ lakṣayecca śubhāśubham || 24 ||
[Analyze grammar]

dhvajādyā dhvajasiṃhebhavṛṣā śreṣṭhāḥ pare śubhāḥ |
khareṣu ṣaḍjagāndhārapañcamāḥ śubhadāyakāḥ || 25 ||
[Analyze grammar]

bhūteṣu ca śūbā bhūḥ syādagniṣvāhavanīyakaḥ |
uttāyāmasya cārddhāśe nāgāṃśairbhājite kramāt || 26 ||
[Analyze grammar]

rasabhūtāṃ śaṣaṣṭhāṃśatryaṃśādhikaśarairbhavet |
āḍhyānādhyasurejyārkatulyānāñcaturasratā || 27 ||
[Analyze grammar]

pañcamaṃ varddhamānākhyaṃ vyāsānnāhapravṛddhitaḥ |
dvidhā bhedā bahūnyatra vakṣyante viśvakarmmataḥ || 28 ||
[Analyze grammar]

āḍhyādīnāṃ tridhā sthaulyādyavadhūtaṃ tadaṣyatha |
tridhā hastākajjinākhyañca yuktaṃ sarvasamena ca || 29 ||
[Analyze grammar]

pañcaviṃśatiliṅgāni nādye devārccite tathā |
pañcasaptabhirekatvājjinairbhaktairbhavanti || 30 ||
[Analyze grammar]

caturdaśasahastrāṇi caturdaśaśatāni ca |
evamaṣṭāṅaऱ्gulavistāro navaikakaragarbhataḥ || 31 ||
[Analyze grammar]

teṣāṃ koṇārddhakoṇasthaiścintyāt koṇāni sūtrakaiḥ |
vistāraṃ madhyataḥ kṛtvā sthāpyaṃ vā madhyatastrayam || 32 ||
[Analyze grammar]

vibhāgādūdrdhvamaṣṭāsro dvyaṣṭāsraḥ syācchivāṃśakaḥ |
pādājjāntako brahmā nābhyanto viṣṇurityataḥ || 33 ||
[Analyze grammar]

mūdrdhvānto bhūtabhāgeśo vyakte'vyakte ca tadvati |
pañcaliṅgavyavasthāyāṃ śiro varttulamucyate || 34 ||
[Analyze grammar]

chatrābhaṃ kukkuṭābhaṃ vā bālendupratimākṛtiḥ |
ekaikasya caturbhedaiḥ kāmyabhedāt phalaṃ vade || 35 ||
[Analyze grammar]

liṅgamastakavistāraṃ vasubhaktantu kārayet |
ādyabhāgaṃ caturddhā tu vistārocchāyato bhajet || 36 ||
[Analyze grammar]

catvāri tatra sūtrāṇi bhāgabhāgānupātanāt |
puṇḍarīkantu bhāgena viśālākhyaṃ vilopanāt || 37 ||
[Analyze grammar]

triśātanāttu śrīvatsaṃ śatrukṛdvedalopanāt |
śiraḥ sarvasame śreṣṭhaṃ kukkuṭābhaṃ surāhvaye || 38 ||
[Analyze grammar]

caturbhāgātmake liṅge trapuṣaṃ dvayalopanāt |
anādyasya śiraḥ proktamarddhacandraṃ śiraḥ śrṛṇu || 39 ||
[Analyze grammar]

aṃśāt prānte yugāṃśaiśca tvekahānyāmṛtākṣakam |
pūrṇavālendukumudaṃ dvitrivedakṣayāt kramāt || 40 ||
[Analyze grammar]

catustrirekavadanaṃ sukhaliṅgamataḥ śrṛṇu |
pūjābhāgaṃ prakarttavyaṃ marttyagnipadakalpitam || 41 ||
[Analyze grammar]

arkkāśaṃpūrvavat tyaktvā ṣaṭa sthānāni vivarttayet |
śironnatiḥ prakarttavyā lalāṭaṃ nāsikā tataḥ || 42 ||
[Analyze grammar]

vadanaṃ civukaṃ grīvā yugabhāgairbhujākṣibhiḥ |
karābhyāṃ mukulīkṛtya pratimāyāḥ pramāṇataḥ || 43 ||
[Analyze grammar]

mukhaṃ prati samaḥ kāryā vistārādaṣṭamāṃśataḥ |
caturmukhaṃ mayā proktaṃ trimukhañcocyate śrṛṇu || 44 ||
[Analyze grammar]

karṇapādādhikāstasya lalāṭādīni nirdiśet |
bhujau caturbhirbhāgaimtu karttavyau pañcimorjitam || 45 ||
[Analyze grammar]

vistarādaṣṭamāṃśena mukhānāṃ pratinirgamaḥ |
ekavaktraṃ tathā kāryyaṃ pūrvasyāṃ saumyalocanam || 46 ||
[Analyze grammar]

lalāṭanāsikāvaktragnīvāyāñca vivarttayet |
bhujācca pañcamāṃśena bhujahīnaṃ vivartayet || 47 ||
[Analyze grammar]

vistārasya ṣaḍaṃśena mukhairnirgamanaṃ hitam |
sarvaṣāṃ mukhaliṅgānāṃ trapuṣaṃ vātha kukkuṭam || 48 ||
[Analyze grammar]